રશિયા-યુક્રેન યુદ્ધ વધુ ઉગ્ર બન્યું છે. યુક્રેનિયન દળોએ રશિયાની અંદર ઘૂસીને તેલ ટર્મિનલ, જેટ અને જહાજો પર શ્રેણીબદ્ધ હુમલાઓ કર્યા છે.

રશિયા અને યુક્રેન વચ્ચે ચાલી રહેલા યુદ્ધમાં તણાવ ચરમસીમાએ પહોંચ્યો છે. યુક્રેનિયન દળોએ રશિયાની સીમાની અંદર મુખ્ય સ્થળો પર હુમલાઓ શરૂ કર્યા છે. આ હુમલાઓમાં તેલ ટર્મિનલ, પાઈપલાઈન, ફાઈટર જેટ અને જહાજોને નિશાન બનાવવામાં આવ્યા છે. 

યુક્રેનિયન જનરલના જણાવ્યા અનુસાર, તેમના દળોએ રશિયાના કબજા હેઠળના પ્રદેશમાં એક તેલ ટર્મિનલ, એક દારૂગોળાનો ડેપો અને ડ્રોન લોન્ચ સાઈટ પર સફળ હુમલો કર્યો હતો. આ હુમલાઓનો મુખ્ય હેતુ રશિયાની લશ્કરી સપ્લાય લાઈનને તોડી પાડવાનો અને યુદ્ધની દિશા બદલવાનો છે.