શ્રી સોમનાથ મહાદેવના દર્શને અનંત અંબાણીઃ યાત્રીલક્ષી પ્રકલ્પો માટે પ કરોડ શિવાર્પણ
વેરાવળઃ દેવાધિદેવ પ્રથમ જ્યોર્તિલિંગ શ્રી સોમનાથ મહાદેવના દર્શને રિલાયન્સ ઇન્ડસ્ટ્રીઝ લિમિટેડ (RIL)ના એક્ઝિકયુટિવ ડાયરેક્ટર શ્રી અનંત અંબાણી પધાર્યા હતા. તેઓએ આશુતોષ ભગવાન સોમનાથના ભાવપૂર્વક દર્શન કરીને પૂજન સામગ્રી અર્પણ કરી હતી. આ પ્રસંગે શ્રી અનંતભાઈ અંબાણીએ શાષાોક્ત મંત્રોચ્ચાર સાથે શ્રી સોમનાથ મહાદેવનો જલાભિષેક કર્યો હતો. તેઓએ મહાપૂજાનો સંકલ્પ કરી સોમનાથજીને પૂજા સામગ્રી અર્પણ કરી હતી. ભક્તિભાવ સાથે તેઓએ રાષ્ટ્રની ઉન્નતિ અને લોકકલ્યાણ માટે મહાદેવના આશીર્વાદ મેળવ્યા હતા. મુખ્ય મંદિરમાં દર્શન કર્યા બાદ, શ્રી અનંતભાઈએ સમુદ્ર કિનારે જઈ સૂર્યનારાયણના પણ દર્શન કર્યા હતા અને પ્રકળતિ સાથે જોડાયેલા આ દિવ્ય તીર્થધામની શાંતિનો અનુભવ કર્યો હતો. ત્યારબાદ તેઓએ શ્રી કપર્દી વિનાયક ગણેશજીના મંદિરે જઈ વિઘ્નહર્તા ગણેશજીના આશીર્વાદ લીધા હતા. આ પ્રસંગે શ્રી સોમનાથ ટ્રસ્ટ તરફથી જનરલ મેનેજર શ્રી વિજયસિંહ ચાવડાએ શ્રી અનંતભાઈ અંબાણીનું ઉષ્માભર્યું સ્વાગત કર્યું હતું. ટ્રસ્ટ તરફથી તેમને સ્મળતિચિﾎ તરીકે સોમનાથ મહાદેવનું ચિત્ર અને મહાદેવનો પવિત્ર પ્રસાદ અર્પણ કરી તેમનું અભિવાદન કરવામાં આવ્યું હતું. આ પાવન પ્રસંગે શ્રી સોમનાથ તીર્થમાં યાત્રી સુવિધાઓની ઉતરોત્તર વળદ્ધિ થઈ રહેલ છે.ત્યારે યાત્રિલક્ષી પ્રકલ્પો માટે તેઓએ રૂા. ૦૫ કરોડ શિવાર્પણ કરેલ હતા.(તસ્વીર-અહેવાલઃ દિપક કક્કડ-વેરાવળ)
(12:28 PM IST)
છેલ્લા 8 દિવસમાં સૌથી લોકપ્રિય 
