નવી દિલ્‍હી :  બાંગ્‍લાદેશમાં હિન્‍દુઓ વિરુદ્ધ થતી ક્રૂરતા અને અત્‍યાચાર ભારતમાં આક્રોશને વેગ આપી રહ્યા છે. દરમિયાન, જાણીતા કથાકાર દેવકીનંદન ઠાકુરે આઇપીએલમાં કોઈપણ બાંગ્‍લાદેશી ક્રિકેટરને દર્શાવવા સામે ચેતવણી આપી છે. તેમણે આઇપીએલ ફ્રેન્‍ચાઇઝ કોલકાતા નાઈટ રાઇડર્સના સહ-માલિક શાહરૂખ ખાનને પણ ચેતવણી આપી હતી, જેની ફ્રેન્‍ચાઇઝીએ મુસ્‍તફિઝુર રહેમાનને રૂપિયા ૯.૨ કરોડમાં ખરીદ્યો હતો.

આ અગાઉ ઉજ્જૈનના કેટલાક ધાર્મિક નેતાઓએ પણ ચેતવણી આપી હતી કે જો બાંગ્‍લાદેશી ફાસ્‍ટ બોલર મુસ્‍તફિઝુર રહેમાનને આઇપીએલ ૨૦૨૬માં રમવાની મંજૂરી આપવામાં આવશે તો તે રમતમાં અડચણ પહોંચાડી શકે છે. તેમણે જણાવ્‍યું હતું કે જો આવું થશે તો સાધુઓ અને સંતો સ્‍ટેડિયમમાં પ્રવેશ કરી શકે છે અને પિચને નુકસાન પહોંચાડી શકે છે. બાંગ્‍લાદેશી ક્રિકેટરની આઇપીએલમાં ભાગીદારી અંગે સોશિયલ મીડિયા યુઝર્સના એક વર્ગમાં પણ ગુસ્‍સો છે.

એક કથા દરમિયાન દેવકીનંદન ઠાકુરે કહ્યું કે અમે કહ્યું હતું કે આઇપીએલમાં કોઈ બાંગ્‍લાદેશી ક્રિકેટર ન હોવો જોઈએ. અમે સર્ચ કર્યું છે કે એક બાંગ્‍લાદેશી ક્રિકેટર છે જેને ખરીદવામાં આવ્‍યો હતો. શું તમે જાણો છો કે તેને કોણે ખરીદ્યો? તે અહીં મુંબઈમાં રહે છે. તે એક ટીમનો માલિક છે. અમે સાંભળ્‍યું છે કે તેને પાકિસ્‍તાન પ્રત્‍યે ઊંડો પ્રેમ છે.

તેને હિંદુઓને દુઃખ પહોંચાડનારાઓ પ્રત્‍યે ઊંડો પ્રેમ છે. અમે તેમને કહેવા માંગીએ છીએ : જો તમે હિંદુઓને પ્રેમ કરો છો જો તમે ભારતને પ્રેમ કરો છો, જો તમને હિંદુઓના મળત્‍યુ પર દુઃખ થાય છે, જો તમને તે ૬ વર્ષની બાળકીને સળગાવી દેવા પર દુઃખ થાય છે તો મિસ્‍ટર KKR (અહીં KKRના સહ-માલિક SRK એટલે કે શાહરૂખ ખાનનો ઉલ્લેખ છે) તે ખેલાડી, બાંગ્‍લાદેશી ખેલાડીને તમારી ટીમમાંથી બહાર કાઢો. તેને તાત્‍કાલિક બહાર કાઢો.