અયોધ્યામાં રામ રાજ્યનો મહોત્સવઃ પ્રાણ પ્રતિષ્ઠાની બીજી વર્ષગાંઠે રાજનાથ સિંહ અને સીએમ યોગીએ ફરકાવ્યો ધર્મધ્વજ!
માતા અન્નપૂર્ણાના દરબારમાં શીશ ઝુકાવ્યું: રામ લલ્લાના દરબારમાં વિશેષ પૂજન-અર્ચન સાથે ઉજવણીનો પ્રારંભઃ અંગદ ટીલા પરથી જનતાને સંબોધશે
અયોધ્યા, તા.૩૧: અયોધ્યાના ભવ્ય રામ મંદિરમાં રામ લલ્લાની મૂર્તિના અભિષેકને આજે સફળતાપૂર્વક બે વર્ષ પૂર્ણ થયા છે. આ ઐતિહાસિક દિવસની ઉજવણી કરવા માટે કેન્દ્રીય સંરક્ષણ મંત્રી રાજનાથ સિંહ અને ઉત્તર પ્રદેશના મુખ્યમંત્રી યોગી આદિત્યનાથ રામ નગરી પહોંચ્યા છે. પોષ શુક્લ દ્વાદશીના આ પવિત્ર અવસરે મંદિરમાં વહેલી સવારથી જ વિશેષ ધાર્મિક વિધિઓ અને મંત્રોચ્ચાર શરૂ થઈ ગયા છે. સંરક્ષણ મંત્રી અને મુખ્યમંત્રીએ સૌ પ્રથમ માતા અન્નપૂર્ણાના મંદિરમાં વિધિવત પૂજા કરી ધ્વજારોહણ કર્યું હતું, જે રામ રાજ્યમાં સુખ અને સમળદ્ધિનું પ્રતીક માનવામાં આવે છે.રામ લલ્લાના ગર્ભગળહમાં આજે ભક્તિનું ઘોડાપૂર ઉમટયું છે. સંરક્ષણ મંત્રી રાજનાથ સિંહ બપોરે ૩:૨૦ વાગ્યા સુધી રામ મંદિર સંકુલમાં રોકાવાના છે, જ્યાં તેઓ મુખ્ય પૂજારીઓ સાથે વિશેષ અનુષ્ઠાનમાં ભાગ લઈ રહ્યા છે. વર્ષ ૨૦૨૪માં આ જ દિવસે વડાપ્રધાન નરેન્દ્ર મોદીના હસ્તે રામ લલ્લાનો અભિષેક થયો હતો, જે ક્ષણને યાદ કરીને આજે ફરી એકવાર ભક્તોની આંખો હર્ષના આંસુથી છલકાઈ ગઈ છે. રાજનાથ સિંહે રામ લલ્લાના ચરણોમાં પ્રાર્થના કરી દેશની રક્ષા અને સુરક્ષા માટે આશીર્વાદ માંગ્યા હતા.
પૂજા વિધિ સંપન્ન કર્યા બાદ બંને દિગ્ગજ નેતાઓ રામ મંદિરના નિકાસ દ્વાર પાસે આવેલા અંગદ ટીલા ખાતે જનતાને સંબોધિત કરશે. આ કાર્યક્રમ માટે અયોધ્યામાં ચુસ્ત સુરક્ષા બંદોબસ્ત ગોઠવવામાં આવ્યો છે. અંગદ ટીલાનું ઐતિહાસિક મહત્વ હોવાથી ત્યાંથી થનારા સંબોધન પર સૌની નજર ટકેલી છે. મુખ્યમંત્રી યોગી આદિત્યનાથે આ તકે જણાવ્યું હતું કે, અયોધ્યા આજે માત્ર ધાર્મિક કેન્દ્ર નથી પરંતુ તે વૈશ્વિક પર્યટન અને સાંસ્કળતિક ગૌરવનું કેન્દ્ર બની ગઈ છે. છેલ્લા બે વર્ષમાં કરોડો ભક્તોએ રામ લલ્લાના દર્શન કરી ધન્યતા અનુભવી છે.અયોધ્યામાં આજે દિવાળી જેવો માહોલ છે. સરયૂ નદીના તટ પર અને રામ કી પૈડી પર દીપોત્સવની તૈયારીઓ ચાલી રહી છે. મંદિર ટ્રસ્ટ દ્વારા ભક્તો માટે વિશેષ પ્રસાદની વ્યવસ્થા કરવામાં આવી છે. સંરક્ષણ મંત્રીનું આ રીતે અયોધ્યા આગમન એ રાષ્ટ્રની આસ્થા અને શક્તિના સમન્વય તરીકે જોવામાં આવે છે. પ્રાણ પ્રતિષ્ઠાની બીજી વર્ષગાંઠે સમગ્ર રામ નગરીના મંદિરોમાં શંખનાદ અને જય શ્રી રામના નારા ગુંજી રહ્યા છે, જે ભવ્ય રામ મંદિરના નિર્માણના સંકલ્પની પૂર્તિનો આનંદ વ્યક્ત કરે છે.
(3:23 PM IST)
છેલ્લા 8 દિવસમાં સૌથી લોકપ્રિય 
