તા. ૨૧ ઓગષ્ટ ર૦ર૬ વિક્રમ સંવત ર૦૮૨ શ્રાવણ સુદ – ૯ શુક્રવાર
પૂંછમાં પાકિસ્તાની ‘ડ્રોન કાવતરું' નિષ્ફળઃ IED અને શષાો જપ્ત
સર્ચ ઓપરેશન શરૂઃ સમગ્ર વિસ્તારનો ઘેરાવો
જમ્મુ, તા.૧: જમ્મુ-કાશ્મીરના પૂંચ જિલ્લામાં સુરક્ષા દળોએ પાકિસ્તાનની એક મોટી આતંકી યોજનાને ધૂળ ચાટતી કરી દીધી છે. વર્ષ ૨૦૨૬ના પ્રથમ સૂર્યોદય પહેલા જ પાકિસ્તાન તરફથી ભારતની સરહદમાં ડ્રોન મોકલીને વિનાશક હથિયારો ઉતારવાનો પ્રયાસ કરવામાં આવ્યો હતો. પૂંચના ખારી કરમારા વિસ્તારમાં તૈનાત ભારતીય સેનાના જવાનોએ મધરાતે આકાશમાં શંકાસ્પદ ગણગણાટ સાંભળતા જ મોરચો સંભાળી લીધો હતો. આધુનિક ટેકનોલોજી અને રાત્રિના અંધકારમાં પણ જોઈ શકતા ઉપકરણોની મદદથી ડ્રોનની હિલચાલ પર નજર રાખવામાં આવી હતી, જેના પરિણામે પાકિસ્તાની એર-ડ્રોપ મોડ્યુલનો ભાંડો ફૂટી ગયો છે.
સુરક્ષા દળોએ ખારી ગામના ખેતરો અને ઝાડીઓમાં સર્ચ ઓપરેશન હાથ ધર્યું ત્યારે એક રહસ્યમય પેકેજ મળી આવ્યું હતું. આ પેકેજને ખોલતા જ સુરક્ષા એજન્સીઓના હોશ ઉડી ગયા હતા, કારણ કે તેમાં જીવતા કારતૂસ અને અત્યંત શક્તિશાળી IED છુપાવવામાં આવ્યું હતું. આ વિસ્ફોટકોનો ઉપયોગ આવનારા દિવસોમાં કોઈ મોટી આતંકી ઘટનાને અંજામ આપવા માટે કરવામાં આવનાર હતો તેવી પૂરેપૂરી શકયતા છે. સેનાએ તાત્કાલિક બોમ્બ ડિસ્પોઝલ સ્ક્વોડને બોલાવીને આ ખતરનાક સામગ્રીને સુરક્ષિત રીતે કબજે કરી લીધી છે. સુરક્ષા સૂત્રોના જણાવ્યા અનુસાર, પાકિસ્તાન હવે સીધી ઘૂસણખોરીને બદલે ડ્રોન વોરફેરનો સહારો લઈ રહ્યું છે. આતંકવાદીઓને હથિયારો અને ફંડ પહોંચાડવા માટે ડ્રોન સૌથી સુરક્ષિત અને સરળ રસ્તો બની ગયો છે, પરંતુ ભારતીય સેનાની એન્ટી-ડ્રોન વ્યૂહરચના સામે પાકિસ્તાન દર વખતે પરાજિત થઈ રહ્યું છે. સેના, જમ્મુ-કાશ્મીર પોલીસ અને સીઆરપીએફ દ્વારા અત્યારે સમગ્ર પૂંચ જિલ્લામાં સઘન ચેકિંગ કરવામાં આવી રહ્યું છે.
(4:03 PM IST)
છેલ્લા 8 દિવસમાં સૌથી લોકપ્રિય 
