ભારત ન હોત તો દુનિયા રસી માટે ટળવળતી હોત
એસ. જયશંકરે પﾍમિી દેશોના સ્વાર્થ અને ભારતની ઉદારતા વચ્ચેનો ભેદ સમજાવ્યો! બાંગ્લાદેશમાં શાંતિનો સંદેશ અને શ્રીલંકાને ૪ બિલિયન ડોલરની મદદઃ પાકિસ્તાન પર આકરા પ્રહારો કર્યાઃ આતંકવાદ ફેલાવશો તો ભારત ચૂપ નહીં રહે
ચેન્નઈ, તા.૨: વિદેશ મંત્રી એસ. જયશંકરે IIT મદ્રાસ ખાતે યુવા પ્રતિભાઓને સંબોધતા ભારતની વિદેશ નીતિના માનવીય પાસા પર પ્રકાશ પાડ્યો હતો. તેમણે રોમાંચક અંદાજમાં સમજાવ્યું કે કેવી રીતે COVID-૧૯ ના કટોકટીના સમયમાં ભારતે વિશ્વગુરુની ભૂમિકા ભજવી હતી. જયશંકરે કહ્યું કે જ્યારે વિકસિત પﾍમિી દેશો પોતે જ રસીનો મોટો જથ્થો દબાવીને બેઠા હતા, ત્યારે ભારતે પોતાની ૧. અબજની વસ્તીની ચિંતા કરવાની સાથે દુનિયાના એવા નાના દેશોને મદદ કરી જેમને કોઈ પૂછતું નહોતું. તેમણે ભાવુક થઈને જણાવ્યું કે, મેં કેરેબિયન અને લેટિન અમેરિકાના એવા નેતાઓ જોયા છે જેઓ ભારતના રસીના પહેલા શિપમેન્ટને યાદ કરીને રડી પડ્યા હતા.
જયશંકરે પﾍમિી દેશોના વલણની આકરી ટીકા કરતા કહ્યું કે, તે સમયે મોટા રાષ્ટ્રોએ પોતાની જરૂરિયાત કરતા આઠ ગણો સ્ટોક કરી લીધો હતો, પરંતુ ગરીબ દેશોને ૧૦,૦૦૦ ડોઝ આપવા પણ તૈયાર નહોતા. આવા સમયે ભારત વેક્સિન મેન્યુફેક્ચરિંગ હબ તરીકે ઉભરી આવ્યું અને સાબિત કર્યું કે વસુધૈવ કુટુંબકમ માત્ર એક સૂત્ર નથી, પણ ભારતનો સ્વભાવ છે. જો ભારતે તે સમયે રસી ન આપી હોત, તો આજે ઘણા દેશો રસીના સૂંઘ માટે પણ તરસી રહ્યા હોત. તેમણે ભારપૂર્વક જણાવ્યું કે ઘરેલું સમસ્યાઓ હોવા છતાં વિશ્વની મદદ કરવી એ જ સાચી વૈશ્વિક જવાબદારી છે.
પડોશી દેશો સાથેના સંબંધો પર વાત કરતા જયશંકરે બાંગ્લાદેશની વર્તમાન સ્થિતિ અને પોતાની તાજેતરની મુલાકાતનો ઉલ્લેખ કર્યો. તેમણે જણાવ્યું કે ભારત હંમેશા એવા પડોશીઓની મદદ કરે છે જેઓ સારા પડોશીપણાની ભાવના રાખે છે. શ્રીલંકાના આર્થિક સંકટનો દાખલો આપતા તેમણે કહ્યું કે જ્યારે IMF જેવી સંસ્થાઓ ધીમી હતી, ત્યારે ભારતે ઼૪ બિલિયનનું પેકેજ આપીને શ્રીલંકાને પતનથી બચાવ્યું હતું. તેમનો સંદેશ સ્પષ્ટ હતો કે પડોશી દેશોએ સમજવું જોઈએ કે ભારતનો વિકાસ એ કોઈ ખતરો નથી, પરંતુ એક એવી ભરતી છે જે તેમના વહાણોને પણ ઉપર લઈ જશે.
અંતમાં, જયશંકરે ભારતની લોકશાહી અને સંસ્કળતિ વિશે ગર્વ સાથે વાત કરી. તેમણે કહ્યું કે જો ભારતે લોકશાહી ન અપનાવી હોત, તો આ વિચાર માત્ર પﾍમિના થોડા દેશો સુધી જ સીમિત રહી ગયો હોત. ભારતે સાબિત કર્યું કે એક વિશાળ અને પ્રાચીન સભ્યતા પણ આધુનિક લોકશાહી તરીકે સફળ થઈ શકે છે. તેમણે વિદ્યાર્થીઓને સમજાવ્યું કે ભારત વિશ્વને દુશ્મન તરીકે નહીં પણ એક પરિવાર તરીકે જુએ છે. આ મૈત્રીપૂર્ણ ભાગીદારી જ ભારતને વિશ્વના અન્ય દેશોથી અલગ પાડે છે અને તેને એક સોફ્ટ પાવર તરીકે સ્થાપિત કરે છે.
(4:03 PM IST)
છેલ્લા 8 દિવસમાં સૌથી લોકપ્રિય 
