નવી દિલ્હી તા.૨ :  ઈરાનમાં આર્થિક કટોકટી વચ્ચે, લોકો રસ્તાઓ પર ઉતરી આવ્યા છે. રાજધાની તેહરાન સહિત દેશના અનેક શહેરોમાં હિંસક વિરોધ પ્રદર્શનો થઈ રહ્યા છે. સુરક્ષા દળો અને પ્રદર્શનકારીઓ વચ્ચે અથડામણો થઈ રહી છે, જેના પરિણામે અનેક લોકોના મોત થયા છે. દરમિયાન ડોનાલ્ડ ટ્રમ્પે જણાવ્યું કે જો ઈરાની અધિકારીઓ શાંતિપૂર્ણ પ્રદર્શનકારીઓ સામે હિંસાનો ઉપયોગ કરે છે તો યુનાઇટેડ સ્ટેટ્સ જવાબ આપવા માટે સંપૂર્ણપણે તૈયાર છે. સોશિયલ મીડિયા પોસ્ટમાં ટ્રમ્પે લખ્યું, "જો ઈરાન શાંતિપૂર્ણ પ્રદર્શનકારીઓ પર ગોળીબાર કરે છે અથવા તેમને નિર્દયતાથી મારે છે, તો યુનાઇટેડ સ્ટેટ્સ તેમની મદદ માટે આવશે. અમે સંપૂર્ણપણે તૈયાર છીએ."