મેકિસકોમાં ૬.૫નો ભૂકંપ : બે ના મોત
ભૂકંપ બાદ ૫૦૦ આફટરશોક : રસ્તાઓ તુટી ગયાઃ હોસ્પિટલ ક્ષતિગ્રસ્ત
મેક્સિકો સિટી,તા.૦૩:શુક્રવારે દક્ષિણ અમેરિકન દેશ મેક્સિકોની રાજધાની મેક્સિકો સિટીમાં એક શક્તિશાળી ભૂકંપ આવ્યો. નેશનલ સિસ્મોલોજીકલ સર્વિસ અનુસાર, રાજધાનીમાં ભૂકંપની તીવ્રતા રિક્ટર સ્કેલ પર ૬.૫ હતી. ભૂકંપ આવ્યો ત્યારે મેક્સિકોના રાષ્ટ્રપતિ ક્લાઉડિયા શેનબૌમ નવા વર્ષની પ્રેસ કોન્ફરન્સ કરી રહ્યા હતા, અને તેને અટકાવવી પડી. આ ઘટનાનો એક વીડિયો સામે આવ્યો છે, જેમાં રાષ્ટ્રપતિ પ્રેસ કોન્ફરન્સ ચલાવી રહ્યા છે, અને પછી ભૂકંપ અનુભવ્યા પછી તમામ મીડિયા કર્મચારીઓ સાથે પ્રેસ કોન્ફરન્સ હોલ છોડી ગયા હતા. ભૂકંપ થી રસ્તાઓ અને હોસ્પિટલને નુકશાન થયું છે.
રાષ્ટ્રીય ભૂકંપશાસ્ત્રીય સેવા અનુસાર, ભૂકંપનું કેન્દ્ર દક્ષિણ મેક્સીકન રાજ્ય ગુરેરોમાં સાન માર્કોસ શહેર નજીક હતું, જે પેસિફિક કિનારે આવેલા એકાપુલ્કોના રિસોર્ટની નજીક હતું. ભૂકંપ ૪૦ કિલોમીટરની ઊંડાઈએ હતો. અહેવાલો દર્શાવે છે કે ભૂકંપ એટલો જોરદાર હતો કે લોકો ઇમારતોમાંથી બહાર નીકળીને શેરીઓમાં દોડી આવ્યા હતા.
ગુરેરોના ગવર્નર એવલીન સાલ્ગાડોએ જણાવ્યું હતું કે ભૂકંપના કેન્દ્ર નજીકના ગામમાં એક ૫૦ વર્ષીય મહિલાનું ઘર તૂટી પડતાં તેનું મૃત્યુ થયું હતું. રાજધાની ચિલપન્સિંગોમાં એક હોસ્પિટલને નોંધપાત્ર નુકસાન થયું હતું અને દર્દીઓને બહાર કાઢવામાં આવ્યા હતા. મેક્સિકો સિટી અને એકાપુલ્કોમાં, ગભરાયેલા લોકો તેમના ઘરો અને હોટલોમાંથી બહાર નીકળીને શેરીઓમાં દોડી આવ્યા હતા. મેક્સિકો સિટીના મેયર ક્લેરા બ્રુગાડાએ અહેવાલ આપ્યો હતો કે ઇમારત ખાલી કરતી વખતે પડી જવાથી એક વ્યક્તિનું મૃત્યુ થયું હતું. એકાપુલ્કોમાં એક ડોક્ટર અને માનવાધિકાર કાર્યકર્તાએ જોરદાર ભૂકંપનો અનુભવ કર્યો હતો અને તેમના મોબાઇલ ફોન પર ભૂકંપની ચેતવણી આપી હતી. કેટલાક વિસ્તારોમાં સંદેશાવ્યવહાર સેવાઓ પણ ખોરવાઈ ગઈ હતી.
નેશનલ સેન્ટર ફોર સિસ્મોલોજીએ X પર આ ભૂકંપ વિશે માહિતી શેર કરી હતી. નેશનલ સેન્ટર ફોર સિસ્મોલોજી (NCS) અનુસાર, શુક્રવારે સાંજે મેક્સિકોના ગુરેરો પ્રદેશમાં ૬.૪ ની તીવ્રતાનો ભૂકંપ આવ્યો હતો. ભારતીય સમય મુજબ સાંજે ૭:૨૮ વાગ્યે ભૂકંપ ૪૦ કિલોમીટરની ઊંડાઈએ આવ્યો હતો, જેનું કેન્દ્રબિંદુ ૧૬.૯૯ ઉત્તર અક્ષાંશ અને ૯૯.૨૬ પﾍમિ રેખાંશ પર હતું.(૪૦.૧૪)
(10:30 AM IST)
છેલ્લા 8 દિવસમાં સૌથી લોકપ્રિય 
