શરિયતપુર, તા.૩: બાંગ્‍લાદેશમાં લઘુમતીઓ પર હુમલા ચાલુ છે. આ યાદીમાં બીજો એક કિસ્‍સો ઉમેરાયો છે. શરિયતપુર જિલ્લામાં જીવતો સળગાવી દેવામાં આવેલા હિન્‍દુ દુકાનદાર ખોકોન દાસ આખરે જીવનની લડાઈ હારી ગયા. બે દિવસની હોસ્‍પિટલમાં સારવાર બાદ તેમનું મળત્‍યુ થયું. ખોકોન દાસ પર ૩૧ ડિસેમ્‍બરે હિંસક ટોળાએ હુમલો કર્યો હતો અને તેમને ગંભીર હાલતમાં ઢાકા મેડિકલ કોલેજ હોસ્‍પિટલમાં દાખલ કરવામાં આવ્‍યા હતા. ખોકોન દાસ લગભગ ૫૦ વર્ષના હતા અને તેમના ગામમાં એક નાનો મેડિકલ સ્‍ટોર અને મોબાઇલ બેંકિંગનો વ્‍યવસાય ચલાવતા હતા. આ હુમલો છેલ્લા બે અઠવાડિયામાં બાંગ્‍લાદેશમાં હિન્‍દુ પર ચોથો જાણીતો હુમલો હોવાનું માનવામાં આવે છે.

સ્‍થાનિક મીડિયા અને પરિવારના જણાવ્‍યા અનુસાર, ખોકન દાસ ૩૧ ડિસેમ્‍બરની રાત્રે પોતાની દુકાન બંધ કરીને ઘરે પરત ફરી રહ્યા હતા ત્‍યારે એક હિંસક જૂથે તેમના પર હુમલો કર્યો. પહેલા તેમના પેટના નીચેના ભાગમાં છરી મારી, પછી માથા પર હુમલો કર્યો. ત્‍યારબાદ હુમલાખોરોએ તેમના પર પેટ્રોલ છાંટીને તેમને આગ લગાવી દીધી. પોતાનો જીવ બચાવવા માટે ખોકન દાસ નજીકના તળાવમાં કૂદી પડ્‍યા અને આગ બુઝાવી દીધી. હુમલાખોરો ઘટનાસ્‍થળેથી ભાગી ગયા. સ્‍થાનિક લોકો તેમને નજીકની હોસ્‍પિટલમાં લઈ ગયા, જ્‍યાં તેમની હાલત વધુ ખરાબ થઈ ગઈ અને તેમને ઢાકા રિફર કરવામાં આવ્‍યા. ગંભીર રીતે દાઝી જવા અને વધુ પડતા રક્‍તષાાવને કારણે તેમને બચાવી શકાયા નહીં.

ખોકન દાસની પત્‍નીએ મીડિયા સાથે વાત કરતા કહ્યું, મારા પતિ એક સરળ માણસ હતા. તેમની કોઈ સાથે કોઈ દુશ્‍મની નહોતી. મને સમજાતું નથી કે તેમની આટલી ક્રૂરતાથી હત્‍યા કેમ કરવામાં આવી. અમને ફક્‍ત ન્‍યાય જોઈએ છે.ૅ અગાઉ, ૨૪ ડિસેમ્‍બરના રોજ, ૨૯ વર્ષીય અમળત મંડલને ટોળા દ્વારા માર મારવામાં આવ્‍યો હતો. ૧૮ ડિસેમ્‍બરના રોજ, ૨૫ વર્ષીય દીપુ ચંદ્ર દાસને એક ફેક્‍ટરીની અંદર ખોટા ઇશ્‍કનિંદાના આરોપમાં ટોળા દ્વારા મારી નાખવામાં આવ્‍યો હતો, તેના શરીરને ઝાડ પર લટકાવવામાં આવ્‍યું હતું અને પછી તેને આગ લગાવી દેવામાં આવી હતી.