હૈદરાબાદ : ભારતની આંતરિક સુરક્ષા માટે કેન્સર સમાન બનેલા માઓવાદને અત્યાર સુધીનો સૌથી મોટો ફટકો પડ્યો છે. દક્ષિણ ભારતના હૈદરાબાદમાં એક ઐતિહાસિક ઘટનાક્રમમાં, નક્સલીઓના સૌથી ઘાતક યુનિટ PLGA (પીપલ્સ લિબરેશન ગેરિલા આર્મી) ના બટાલિયન નંબર ૧ ના કમાન્ડર બરસે દેવા ઉર્ફે સુક્કાએ પોતાના ૨૨ સાથીઓ સાથે આત્મસમર્પણ કર્યું છે. હિડમાના એન્કાઉન્ટર બાદ આખા સંગઠનની કમાન સંભાળનાર દેવાનું શરણાગતિ સ્વીકારવી એ માઓવાદી વિચારધારાના પતન સમાન છે. તેની સાથે તેલંગાણા સ્ટેટ કમિટીના વરિષ્ઠ સભ્ય વેંકટેશે પણ ૨૬ સાથીઓ સાથે હથિયાર મૂકી દીધા છે. આ તમામ ૪૮ નક્સલીઓ પર કુલ ₹૧.૮ કરોડનું સંયુક્ત ઈનામ હતું, જે હવે શાંતિના માર્ગે પાછા ફર્યા છે.

આ શરણાગતિ એટલા માટે મહત્વની છે કારણ કે નક્સલીઓએ અત્યંત અત્યાધુનિક હથિયારોનો જથ્થો પોલીસને સોંપ્યો છે. આ જથ્થામાં અમેરિકન કોલ્ટ રાઇફલ, ઇઝરાયેલી ટેવોર, ૮ AK-47 અને લાઇટ મશીનગન (LMG) જેવા ખતરનાક હથિયારો સહિત ૨૨૦૦ થી વધુ દારૂગોળો સામેલ છે. તેલંગાણા પોલીસના DGP ના જણાવ્યા મુજબ, આ કાર્યવાહી PLGA અને નક્સલી કમિટીઓના અંતની શરૂઆત છે. શરણાગતિ સ્વીકારનારા તમામ માઓવાદીઓને સરકારની પુનર્વસન નીતિ હેઠળ તાલીમ આપીને સમાજની મુખ્યધારામાં ભેળવવામાં આવશે. આ પગલાથી હવે દંડકારણ્યના જંગલોમાં દાયકાઓથી ચાલી રહેલા લોહિયાળ સંઘર્ષના અંતના એંધાણ મળી રહ્યા છે.

બીજી તરફ, છત્તીસગઢના મુખ્યમંત્રી વિષ્ણુ દેવ સાંઈએ આ સિદ્ધિને બસ્તરના વિકાસ સાથે જોડી છે. બીજાપુર અને સુકમા જિલ્લાના સરહદી વિસ્તારોમાં ચલાવવામાં આવેલા સંયુક્ત ઓપરેશનમાં ૧૪ અન્ય માઓવાદીઓને ઠાર કરવામાં આવ્યા છે. મુખ્યમંત્રીએ સોશિયલ મીડિયા પર ગર્જના કરતા જણાવ્યું કે સુરક્ષા દળોના સતત દબાણ અને ચોક્કસ વ્યૂહરચનાને કારણે હવે નક્સલવાદીઓ પાસે બે જ રસ્તા બચ્યા છે: કાં તો આત્મસમર્પણ કરો અથવા મોતને ભેટો. બસ્તર હવે રક્તપાત પાછળ છોડીને શિક્ષણ, આરોગ્ય અને રોજગારની નવી દિશામાં આગળ વધી રહ્યું છે. બસ્તરના દુર્ગમ વિસ્તારોમાં હવે સુરક્ષા કેમ્પ નહીં પણ વિકાસના કેન્દ્રો બની રહ્યા છે, જે શાંતિ અને વિશ્વાસનું વાતાવરણ ઉભું કરી રહ્યા