તા. ૪ સપ્ટેમ્બર ર૦ર૬ વિક્રમ સંવત ર૦૮૨ શ્રાવણ વદ – ૮ શુક્રવાર
ઈપીએફની પગાર મર્યાદા વધારવાનો નિર્ણય લેવા કેન્દ્રને ચાર માસનો સમય
દેશના હજારો કર્મચારીઓને સામાજિક સુરક્ષાના દાયરામાં લાવવા માટે સુપ્રીમ કોર્ટે મહત્વનો નિર્દેશ આપ્યો
નવી દિલ્હી,તા.૦૬: દેશના હજારો કર્મચારીઓને સામાજિક સુરક્ષાના દાયરામાં લાવવા માટે સુપ્રીમ કોર્ટે મહત્વનો નિર્દેશ આપ્યો છે. કોર્ટે કેન્દ્ર સરકારને કર્મચારી ભવિષ્ય નિધિ સંગઠન (ઈપીએફઓ ) યોજના માટે પગાર મર્યાદામાં બદલાવ લાવવા ચાર મહિનાનો સમય આપ્યો છે. ઈપીએફઓમાં સામેલ થવા માટે કર્મચારીઓની પગાર મર્યાદા ૧૧ વર્ષથી યથાવત છે.
આ અંગે સામાજિક કાર્યકર્તા નવીન પ્રકાશ નૌટિયાલ દ્વારા દાખલ કરાયેલી અરજી પર સુનાવણી કરતી વખતે સુપ્રીમ કોર્ટની બેન્ચે આ આદેશ આપ્યો હતો. બેન્ચે અરજદારને બે અઠવાડિયામાં કેન્દ્ર સરકારને પોતાનું પ્રતિનિધિત્વ અને કોર્ટના આદેશની નકલ સુપરત કરવાનો નિર્દેશ આપ્યો હતો.તેની બાદ કેન્દ્ર સરકારે ચાર મહિનાની અંદર આ બાબતે નિર્ણય લેવો પડશે. અરજદારે દલીલ કરી હતી કે ચ્ભ્જ્બ્ યોજના હાલમાં એવા કર્મચારીઓને બાકાત રાખે છે જેમનો માસિક પગાર રૂપિયા ૧૫,૦૦૦ થી વધુ હોય. તેમજ આ મર્યાદા છેલ્લે ૨૦૧૪ માં સુધારવામાં આવી હતી. એટલે કે ૧૫,૦૦૦ થી વધુ વેતન મેળવતો કર્મચારી આ યોજનાના લાભથી વંચિત રહે છે.
આ અરજીમાં એવી રજૂઆત કરવામાં આવી છે કે છેલ્લા ૭૦ વર્ષોમાં EPF યોજના માટે પગાર મર્યાદામાં ફેરફાર ખૂબ જ અનિયમિત રહ્યા છે. કેટલીકવાર આ તફાવત ૧૩-૧૪ વર્ષ જેટલો લાંબો રહ્યો છે. ફુગાવો, લઘુત્તમ વેતન અથવા માથાદીઠ આવક જેવા આર્થિક સૂચકાંકોને ધ્યાનમાં લેવામાં આવ્યા નથી. પરિણામે આજે પહેલા કરતાં ઓછા કર્મચારીઓને EPF યોજનાનો લાભ મળી રહ્યો છે.
આ અરજીમાં એમ પણ કહેવામાં આવ્યું હતું કે વર્ષ ૨૦૨૨ માં EPFO પેટા-સમિતિએ પગાર મર્યાદા વધારવા અને યોજનામાં વધુ કર્મચારીઓનો સમાવેશ કરવાની ભલામણ કરી હતી. આ ભલામણને સેન્ટ્રલ બોર્ડ દ્વારા પણ મંજૂરી આપવામાં આવી હતી, પરંતુ કેન્દ્ર સરકારે હજુ સુધી તેના પર કોઈ નિર્ણય લીધો નથી. આ સ્પષ્ટપણે દર્શાવે છે કે પગાર મર્યાદા વધારવામાં વિલંબનું મુખ્ય કારણ સરકારની નિર્ણય લેવાની પ્રક્રિયા રહી છે.(૪૦.૧૦)
(10:33 AM IST)
છેલ્લા 8 દિવસમાં સૌથી લોકપ્રિય 
