નવી દિલ્હી: ભારતીય યુવાનોની મનપસંદ સ્માર્ટફોન બ્રાન્ડ Realme એ સર્જનાત્મકતાને પાંખો આપવા માટે 'ફોટોગ્રાફી એવોર્ડ્સ 2026' ની ભવ્ય જાહેરાત કરી છે. આ એવોર્ડ્સનો હેતુ માત્ર સુંદર તસવીરો ઝડપવાનો જ નથી, પરંતુ સ્માર્ટફોન દ્વારા વાસ્તવિક જીવનની સંવેદનાઓ અને સાચી વાર્તાઓને દુનિયા સામે લાવવાનો છે. આ વર્ષની થીમ "સેલિબ્રેટિંગ રીઅલ મોમેન્ટ્સ" રાખવામાં આવી છે, જે લોકોની અંગત સિદ્ધિઓ અને જીવનની યાદગાર ક્ષણોને કેદ કરવા પર ભાર મૂકે છે.
આ વખતે સ્પર્ધાનું સ્તર ખૂબ જ ઉંચુ રહેવાનું છે, કારણ કે જ્યુરી પેનલમાં Realme ના CMO ચેઝ ઝુની સાથે પ્રખ્યાત પોટ્રેટ ફોટોગ્રાફર ઝોઉ રન, યુરોપિયન ડિરેક્ટર સિમોન બ્રામન અને ભારતની જાણીતી વિઝ્યુઅલ આર્ટિસ્ટ રોશની શાહ જેવા દિગ્ગજોનો સમાવેશ થાય છે. આ પ્લેટફોર્મ યુવા ફોટોગ્રાફરોને તેમના વિશિષ્ટ દ્રષ્ટિકોણને વૈશ્વિક સ્તરે રજૂ કરવાની સુવર્ણ તક પૂરી પાડે છે.
કઈ રીતે ભાગ લેવો?
જો તમારી પાસે પણ Realme સ્માર્ટફોન છે અને તમને ફોટોગ્રાફીનો શોખ છે, તો તમે 6 જાન્યુઆરીથી 20 માર્ચ, 2026 સુધી તમારી એન્ટ્રી સબમિટ કરી શકો છો. અરજી કરવાની પ્રક્રિયા ખૂબ જ સરળ છે:
• Realme ફોટોગ્રાફી એવોર્ડ્સની સત્તાવાર વેબસાઇટ પર જઈને.
• અથવા Realme સ્માર્ટફોનની 'Photos App' દ્વારા માત્ર એક ક્લિકમાં.
પ્રથમ રાઉન્ડના વિજેતાઓનું કરાયું સન્માન
નવા તબક્કાની જાહેરાત સાથે, Realme એ અગાઉના રાઉન્ડના તેજસ્વી કલાકારોને પણ નવાજ્યા હતા. જેમાં પ્રલય જાનાને તેની અદ્ભુત વાર્તા કહેવાની શૈલી માટે 'બેસ્ટ વર્ક એવોર્ડ', રોહિત પાવનેને સોશિયલ મીડિયા પર લોકપ્રિયતા બદલ 'મોસ્ટ પોપ્યુલર એવોર્ડ' અને અર્ઘદીપ ચિન્યાને તેની કલ્પનાશીલતા માટે 'મોસ્ટ ક્રિએટિવ એવોર્ડ' આપવામાં આવ્યો હતો.
મોબાઇલ ફોટોગ્રાફીમાં નવી ક્રાંતિ
Realme India ના CMO ફ્રાન્સિસ વોંગે જણાવ્યું હતું કે, "અમારા માટે ફોટોગ્રાફી એટલે માત્ર પિક્સેલ્સ નહીં, પણ લોકોની સાચી લાગણીઓ છે. અમે realme 16 Pro શ્રેણીના માધ્યમથી ટેકનોલોજીને એટલી સુલભ બનાવી છે કે સામાન્ય યુવાન પણ પ્રોફેશનલ સ્તરની વાર્તા કહી શકે." આ સ્પર્ધા દ્વારા Realme ફરી એકવાર સાબિત કરી રહ્યું છે કે શ્રેષ્ઠ ફોટોગ્રાફી માટે માત્ર મોંઘા કેમેરાની નહીં, પણ સાચી દ્રષ્ટિની જરૂર છે