એક આંતરરાષ્ટ્રીય થિંક ટેન્કના રિપોર્ટ મુજબ, જો ચીન તાઈવાન પર હુમલો કરશે તો તેને ભારે કિંમત ચૂકવવી પડશે અને તેના અંદાજે ૧ લાખ સૈનિકો માર્યા જઈ શકે છે.

ચીન અને તાઈવાન વચ્ચેના તણાવમાં સતત વધારો થઈ રહ્યો છે ત્યારે, યુદ્ધની શક્યતાઓ અંગેના એક ચોંકાવનારા રિપોર્ટે દુનિયાનું ધ્યાન ખેંચ્યું છે. સંરક્ષણ બાબતોના નિષ્ણાતો અને થિંક ટેન્કના વિશ્લેષણ મુજબ, જો ચીન બળજબરીથી તાઈવાન પર કબજો કરવાનો પ્રયાસ કરશે તો તે એક લાંબુ અને લોહિયાળ યુદ્ધ બની રહેશે.

​આ રિપોર્ટમાં દાવો કરવામાં આવ્યો છે કે આ સંઘર્ષમાં ચીનના લગભગ ૧,૦૦,૦૦૦ (એક લાખ) જેટલા સૈનિકો ઠાર થઈ શકે છે. અમેરિકા અને જાપાન જેવા દેશો જો તાઈવાનની મદદે આવશે તો ચીનને ભારે નુકસાન વેઠવું પડશે. 

રિપોર્ટમાં એમ પણ જણાવાયું છે કે ચીનની નૌસેનાના જહાજો અને વાયુસેનાના વિમાનોને પણ મોટું નુકસાન થશે. આ આંકડાઓ ચીન માટે ચેતવણી સમાન છે, કારણ કે આટલી મોટી જાનહાની ચીનની સત્તાધારી પાર્ટી માટે પણ મુશ્કેલી ઊભી કરી શકે છે.