ભારતીય સેનાના વેસ્ટર્ન કમાન્ડના વડાએ પાકિસ્તાન સરહદે પ્રવર્તમાન તંગદિલી અંગે મોટું નિવેદન આપતાં કહ્યું છે કે પાકિસ્તાન સાથે યુદ્ધ થવાનું જોખમ હાલમાં ખૂબ જ ઉચ્ચ સ્તરે છે.

એક કાર્યક્રમ દરમિયાન ભારતીય સેનાના વેસ્ટર્ન કમાન્ડના ચીફે સ્પષ્ટ શબ્દોમાં ચેતવણી આપી છે કે પાડોશી દેશ પાકિસ્તાન સાથેના સંબંધો અને સરહદી ગતિવિધિઓને જોતા યુદ્ધનું જોખમ ‘ખૂબ જ વધારે’ છે.

તેમણે વધુમાં ઉમેર્યું હતું કે જો સંઘર્ષ થશે તો તે કદાચ સીમિત સ્વરૂપનો નહીં હોય, પરંતુ તેનું વ્યાપક સ્વરૂપ જોવા મળી શકે છે. આ નિવેદન સરહદ પરની વર્તમાન સુરક્ષા સ્થિતિ અને પાકિસ્તાન તરફથી થતી સતત ઉશ્કેરણીજનક પ્રવૃત્તિઓના સંદર્ભમાં ખૂબ જ ગંભીર માનવામાં આવે છે.