આંતરરાષ્ટ્રીય સ્પેસ સ્ટેશન (આઈએસએસ) પર રહેલા અવકાશયાત્રીઓને પૃથ્વી પર પરત લાવવા માટે નાસાએ ૧૪ જાન્યુઆરીની તારીખ નક્કી કરી છે, જેમાં સ્પેસ-એક્સના ડ્રેગન કેપ્સ્યુલનો ઉપયોગ થશે.
અમેરિકન સ્પેસ એજન્સી નાસાએ જાહેરાત કરી છે કે ઈન્ટરનેશનલ સ્પેસ સ્ટેશન પર મિશન પૂર્ણ કરનાર સ્પેસ-એક્સ ક્રૂ-૧૧ના સભ્યોને બહાર કાઢવાની પ્રક્રિયા ૧૪ જાન્યુઆરીથી શરૂ કરવામાં આવશે. આ પ્રક્રિયામાં એલન મસ્કની કંપની સ્પેસ-એક્સ મહત્વની ભૂમિકા ભજવશે. 
ખરાબ હવામાન અથવા ટેકનિકલ કારણોસર અગાઉ વિલંબ થયા બાદ હવે અવકાશયાત્રીઓની સુરક્ષિત વાપસી માટે તૈયારીઓ પૂર્ણ કરી લેવામાં આવી છે. આ મિશન ભવિષ્યના માનવ અવકાશ મિશન માટે ડેટા એકત્ર કરવામાં પણ મદદરૂપ થશે.