ઈરાનમાં ઈન્ટરનેટ સેવાઓ લગભગ બંધ હોવા છતાં અને મીડિયા પર કડક નિયંત્રણો હોવા છતાં, 'ધ ઈન્ડિપેન્ડન્ટ પર્શિયન' જેવા માધ્યમોએ એક મોટા શહેર ઈસ્ફહાન માં સર્જાયેલ ભયાનક અરાજકતા અને આગજનીના  ફૂટેજ મેળવીને પ્રકાશિત કર્યા છે. આ સાબિત કરે છે કે માહિતી રોકવાના સરકારના તમામ પ્રયાસો નિષ્ફળ જઈ રહ્યા છે અને ઈરાનની પ્રજા તેમજ પત્રકારો જોખમ ખેડીને પણ સત્ય બહાર લાવી રહ્યા છે. આ ફૂટેજમાં દેખાતી આગ અને ભીડ ઈરાનની ગંભીર પરિસ્થિતિનો ચિતાર આપે છે.