દેશના રાજકારણમાં અને આંતરરાષ્ટ્રીય સંબંધોમાં ચાબહાર પોર્ટનો મુદ્દો ગરમાયો છે. દૈનિક ભાસ્કરના અહેવાલ મુજબ, કોંગ્રેસે કેન્દ્ર સરકાર પર આકરા પ્રહારો કરતા દાવો કર્યો છે કે અમેરિકાના પૂર્વ રાષ્ટ્રપતિ ડોનાલ્ડ ટ્રમ્પના દબાણને વશ થઈને ભારતે ઈરાનમાં આવેલા વ્યૂહાત્મક રીતે મહત્વના ચાબહાર પોર્ટ પરનો પોતાનો કંટ્રોલ છોડી દીધો છે.
વિપક્ષનો આરોપ છે કે સરકારની આ નબળાઈને કારણે દેશના ૧૧૦૦ કરોડ રૂપિયા વેડફાઈ ગયા છે. જોકે, વિદેશ મંત્રાલયે આ તમામ આરોપોને પાયાવિહોણા ગણાવીને ફગાવી દીધા છે અને કહ્યું છે કે પોર્ટ અંગેની કામગીરી અને કરાર યથાવત છે. આ મુદ્દે રાજકીય નિવેદનબાજી તેજ બની છે.