હિમાલયની પવિત્ર ગણાતી અને કુદરતી રીતે બરફથી રચાતી 'ૐ' આકૃતિ માટે જાણીતા 'ૐ પર્વત' પરથી બરફ ઓગળી રહ્યો છે અને પર્વત કાળો પડી રહ્યો છે. આ ઘટનાએ પર્યાવરણવિદો અને શ્રદ્ધાળુઓમાં ભારે ચિંતા જગાડી છે.
નિષ્ણાતોના મતે, ગ્લોબલ વોર્મિંગ ઉપરાંત ઊંચાઈવાળા વિસ્તારોમાં વધી રહેલી માનવીય પ્રવૃત્તિઓ અને પર્યટનનું દબાણ આ માટે જવાબદાર છે. જો તાત્કાલિક પગલાં લેવામાં નહીં આવે અને માનવીય હસ્તક્ષેપ ઓછો કરવામાં નહીં આવે, તો આ દુર્લભ પ્રાકૃતિક ધરોહર કાયમ માટે લુપ્ત થઈ શકે છે તેવી ચેતવણી આપવામાં આવી છે.