મુંબઈ,તા.૧૭: મહારાષ્ટ્રની મ્‍યુનિસિપલ કોર્પોરેશનની ચૂંટણીમાં ભાજપ ગઠબંધન પ્રચંડ વિજય તરફ આગળ વધી રહ્યું છે. વલણો દર્શાવે છે કે ભાજપ ગઠબંધન ૨૯ મ્‍યુનિસિપલ કોર્પોરેશનોમાંથી ૨૫ માં આગળ છે.

રાજ્‍ય ચૂંટણી કમિશનરના જણાવ્‍યા અનુસાર, મુંબઈના બૃહન્‍મુંબઈ મ્‍યુનિસિપલ કોર્પોરેશન (BMC) ના ૨૨૭ વોર્ડના પરિણામો શુક્રવારે મોડી રાત્રે જાહેર કરવામાં આવ્‍યા હતા. ભાજપે ૮૯ બેઠકો, શિવસેનાએ ૨૯, કોંગ્રેસે ૨૪, શિવસેના (UBT) એ ૬૫ અને MNS એ ૬ બેઠકો જીતી હતી. AIMIM એ ૮, NCP ને ૩, સમાજવાદી પાર્ટીએ ૨ અને NCP (SP) ને ફક્‍ત એક બેઠક મળી હતી.

૨૯ મ્‍યુનિસિપલ કોર્પોરેશનોમાં ૨,૮૬૯ બેઠકોમાંથી, ૨,૮૩૩ બેઠકોના પરિણામો જાહેર કરવામાં આવ્‍યા છે. ૩૬ બેઠકોના પરિણામોની હજુ રાહ જોવાઈ રહી છે. ભાજપ ૧,૪૦૦ બેઠકો જીતીને એકમાત્ર સૌથી મોટી પાર્ટી તરીકે ઉભરી આવ્‍યો છે. એકનાથ શિદેની શિવસેનાએ ૩૯૭ બેઠકો, કોંગ્રેસે ૩૨૪ બેઠકો, અજિત પવારની રાષ્ટ્રવાદી કોંગ્રેસ પાર્ટી (NCP) ૧૫૮, ઉદ્ધવ ઠાકરેની શિવસેના (UBT) ૧૫૩ અને MNS ૧૩ બેઠકો જીતી હતી.

ભાજપ ગઠબંધન નાગપુર, પુણે, થાણે, નવી મુંબઈ, પિપરી ચિચવડ અને નાસિકમાં પણ આગળ છે