મધ્યપ્રદેશના ઈન્દોરમાં દૂષિત પાણી પીવાથી થયેલા મૃત્યુના ગંભીર બનાવ બાદ કોંગ્રેસ નેતા અને લોકસભામાં વિપક્ષના નેતા રાહુલ ગાંધી આજે પીડિત પરિવારોને મળવા ઈન્દોર પહોંચશે. પ્રાપ્ત વિગતો અનુસાર, શહેરમાં દૂષિત પાણીના વિતરણને કારણે અનેક લોકોએ જીવ ગુમાવ્યા છે. આ દુર્ઘટનાને પગલે રાહુલ ગાંધી મૃતકોના પરિવારજનો સાથે મુલાકાત કરશે અને તેમને સાંત્વના પાઠવશે. આ મુલાકાત દરમિયાન તેઓ સ્થાનિક તંત્રની બેદરકારી અંગે પણ માહિતી મેળવે તેવી શક્યતા છે. વિપક્ષ દ્વારા આ મુદ્દે સરકાર પાસે જવાબ માંગવામાં આવી રહ્યો છે અને પીડિતોને ન્યાય અપાવવાની માંગ પ્રબળ બની છે.