લખનઉ તા.૨૦: ઉત્તર પ્રદેશની રાજધાની લખનઉમાંથી એક ચોંકાવનારી ઘટના સામે આવી છે. પોલીસે જે મહિલાની હત્‍યાના કેસમાં તેના પતિને આરોપી માનીને ચાલી રહી હતી, તે નિર્દોષ નીકળ્‍યો અને અસલી કાતિલ કોઈ બીજો જ નીકળ્‍યો. પોલીસે મહિલાના હત્‍યાકાંડની તપાસ જેમ જેમ આગળ વધારી, તેમ તેમ શંકા પાડોશી પર વધતી ગઈ અને આખરે પાડોશી જ હત્‍યારો નીકળ્‍યો.

પોલીસે મૃતક મહિલાના પતિ પર હત્‍યાનો કેસ ચલાવ્‍યો, પણ કાતિલ પાડોશી નીકળ્‍યો. લખનઉના નગરામથી ગુમ મહિલાની હત્‍યાના આરોપમાં પોલીસે તેના પાડોશીની ધરપકડ કરી લીધી છે. ગત ૧૨ ડિસેમ્‍બરના રોજ નગરામના કુબહરા ગામની ૩૦ વર્ષીય પૂનમ ગુમ થઈ ગઈ હતી.

પતિ પીતામ્‍બરે નગરામ પોલીસ સ્‍ટેશનમાં ગુમ થવાની ફરિયાદ નોંધાવી હતી. પછી ૭ જાન્‍યુઆરીના રોજ ગામની નજીક સરસવના ખેતરમાં એક કંકાલ મળ્‍યું હતું. કંકાલ પાસે એક સાડી પણ મળી હતી. કંકાલનું હાલમાં ડીએનએ તપાસ થઈ રહી છે. પૂનમના પરિવારે તેના પતિ પિતામ્‍બર પર હત્‍યાનો આરોપ લગાવ્‍યો હતો. આ મામલામાં ફરિયાદ નોંધી પોલીસે તપાસ કરી રહી હતી. તપાસમાં સામે આવ્‍યું કે પૂનમને ૨૦ વર્ષીય પાડોશી આશીષ સાથે હંમેશા વાતચીત થતી હતી.

પૂનમે પોતાની મોટી બહેનની દીકરીના લગ્ન આશીષ સાથે કરાવવાનો વાયદો કર્યો હતો. પણ તેના લગ્ન બીજી જગ્‍યાએ થઈ ગયા. આ વાતથી આશીષ પૂનમથી નારાજ હતો. આશીષે ૧૨ ડિસેમ્‍બરના રોજ પૂનમને ખેતરમાં બોલાવી. જ્‍યાં ગળું દબાવીને આશીષે પૂનમની હત્‍યા કરી નાખી. ગુમ થવાની ફરિયાદ નોંધાયા બાદ પૂનમની લાશને આશીષે સરસવના ખેતરમાં જઈને છુપાવી દીધી. આશીષના ઘરેથી પૂનમની પાયલ, માળા અને કપડાં પણ મળી આવ્‍યા હતા