મુંબઇ તા.૨૧: મહારાષ્ટ્રમાં મ્‍યુનિસિપલ ચૂંટણીઓ પછી, ભાજપ અને શિવસેના વચ્‍ચે સત્તા માટેનો ઝઘડો ચાલુ છે. હકીકતમાં, બૃહન્‍મુંબઈ મ્‍યુનિસિપલ કોર્પોરેશન (BMC) ની ચૂંટણીના પરિણામો જાહેર થયા ત્‍યારથી ૨૯ શિવસેના કાઉન્‍સિલરો બાંદ્રાના તાજ લેન્‍ડ્‍સ એન્‍ડ હોટેલમાં રોકાયા હતા. પરંતુ પાંચ દિવસ પછી, મંગળવારે સાંજે તેઓ હોટેલ છોડીને ગયા.

BMC પાસે કુલ ૨૨૭ બેઠકો છે. ભાજપે ૮૯ બેઠકો જીતી હતી અને શિવસેનાએ ૨૯ બેઠકો જીતી હતી. બંને પક્ષો મળીને બહુમતીના જાદુઈ આંકડાની નજીક પહોંચી રહ્યા છે. જોકે, મહાયુતિ મેયરના નામ પર સર્વસંમતિ પર પહોંચે તે પહેલાં, શિવસેનાએ તેના કાઉન્‍સિલરોને એક હોટલમાં મોકલ્‍યા. શિવસેનાએ દલીલ કરી હતી કે કાઉન્‍સિલરોને ઓરિએન્‍ટેશન વર્કશોપ માટે હોટેલમાં રોકાવાનું કહેવામાં આવ્‍યું હતું.

શિવસેનાના વડા એકનાથ શિંદેએ અગાઉ સંકેત આપ્‍યો છે કે તેઓ તેમના પક્ષમાંથી મેયર ઇચ્‍છે છે. તેમણે જણાવ્‍યું હતું કે શિવસેનાના સ્‍થાપક બાલ ઠાકરેનું જન્‍મશતાબ્‍દી વર્ષ ૨૩ જાન્‍યુઆરીથી શરૂ થાય છે. શિવસૈનિકો આ પ્રસંગે BMCમાં શિવસેનાના મેયર ઇચ્‍છે છે.

તેમણે યાદ અપાવ્‍યું કે શિવસેના અને ભાજપે BMC ચૂંટણી ગઠબંધનમાં લડી હતી. શિવસેના અને ભાજપે સાથે મળીને ચૂંટણી લડી હોય તેવી મ્‍યુનિસિપલ કોર્પોરેશનોમાં મેયર મહાયુતિનો હશે.

BMC મેયરપદનો મુદ્દો દિલ્‍હીમાં ઉકેલાય તેવી શક્‍યતા છે. ભાજપ અને શિદે સેનાના નેતાઓ મંગળવારે દિલ્‍હી પહોંચ્‍યા હતા, જેમાં સંસ્‍કૃતિ મંત્રી આશિષ શેલાર, મુંબઈ ભાજપ પ્રમુખ અમિત સાટમ અને શિદે સેનાના નેતા રાહુલ શેવાળેનો સમાવેશ થાય છે.