પ્રયાગરાજ,તા.૨૩: માઘ મેળા દરમિયાન વસંત પંચમી સ્નાન માટે શુક્રવારે સવારે પ્રયાગરાજના સંગમ ખાતે ભકતોની ભારે ભીડ ઉમટી પડી. ગાઢ ધુમ્મસ અને ઠંડી વચ્ચે, લાખો ભકતો સંગમમાં પવિત્ર સ્નાન કરી રહ્યા છે. આગામી ચાર દિવસમાં સાડા ત્રણ કરોડ ભકતો આવવાની ધારણા છે.

પુરી પીઠાધીશ્વર શંકરાચાર્ય સ્વામી નિશ્ચલાનંદ સરસ્વતી સંગમ સ્નાન માટે પહોંચ્યા. મોટી સંખ્યામાં શિષ્યો અને સંતો સાથે, તેઓ કાર દ્વારા સંગમ નોઝ પહોંચ્યા. ત્યારબાદ શિષ્યો તેમને વ્હીલચેરમાં સંગમ લઈ ગયા. તેમણે ઘંટના અવાજ અને માતા ગંગાની સ્તુતિના મંત્રોચ્ચાર વચ્ચે પવિત્ર સ્નાન કર્યું.

વસંત પંચમીના શુભ પ્રસંગે, પ્રયાગરાજના ત્રિવેણી ઘાટ પર શ્રદ્ધાનો ઉછાળો આવ્યો. બપોરે ૧૨ વાગ્યા સુધીમાં, આશરે ૨.૧ કરોડ લોકોએ પવિત્ર સંગમમાં સ્નાન કર્યું હતું, અને પુણ્યનો લાભ મેળવ્યો હતો. આ વિશાળ મેળાવડો શ્રદ્ધા અને ભકિતની ઊંચાઈને પ્રતિબિબિત કરે છે, કારણ કે ભકતોએ કડકડતી ઠંડીનો સામનો કરીને ભકિતમાં સ્નાન કર્યું હતું. વસંત પંચમીના પવિત્ર સ્નાન ઉત્સવ પર, આજે સવારે ૧૦ વાગ્યા સુધીમાં આશરે ૧.૪ કરોડ લોકોએ પ્રયાગરાજના સંગમમાં પવિત્ર સ્નાન કર્યું.