મુંબઈની ઐતિહાસિક પારલે-જી બિસ્કિટ ફેક્ટરી તોડી પડાશે
વિલે પાર્લે પૂર્વમાં ૯૭ વર્ષ જૂની પારલે-જી ફેક્ટરીની જગ્યા પર એક વિશાળ બિઝનેસ કોમ્પ્લેક્સ સંકુલ બનાવવાની યોજના હવે બનાવવામાં આવી
મુંબઇ તા.૨૭: સસ્તું, સ્વાદિષ્ટ અને લોકપ્રિય એવી પારલે-જી બિસ્કિટની ભારતમાં ઓળખ છે. આ બિસ્કિટે છેલ્લા ઘણા વર્ષોથી તેની લોકપ્રિયતા જાળવી રાખી છે. મુંબઈના વિલે પાર્લેમાં પારલે-જી બિસ્કિટ કંપનીની એક ઇમારત છે. પરંતુ હવે આ ઐતિહાસિક ઇમારત તોડી પાડવામાં આવશે એવા સમાચાર મળી રહ્યા છે. આ ઇમારતે છેલ્લા ઘણા દાયકાઓથી લાખો લોકોની યાદોને સાચવી રાખી છે. વિલે પાર્લે પૂર્વમાં ૯૭ વર્ષ જૂની પારલે-જી ફેક્ટરીની જગ્યા પર એક વિશાળ બિઝનેસ કોમ્પ્લેક્સ સંકુલ બનાવવાની યોજના હવે બનાવવામાં આવી છે.
પર્યાવરણ, વન અને આબોહવા પરિવર્તન મંત્રાલય (MoEFCC) હેઠળ રાજ્ય પર્યાવરણીય અસર મૂલ્યાંકન સત્તામંડળ (SEIAA) એ ૭ જાન્યુઆરીએ આ પ્રોજેક્ટને આંશિક મંજૂરી આપી હતી. આ મંજૂરી સાથે, આ વિસ્તારમાં ૨૧ જૂની અને જર્જરિત ઇમારતોને તોડી પાડવાની મંજૂરી આપવામાં આવી છે. ૨૦૨૫ માં રજૂ કરાયેલ આ દરખાસ્તને આખરે મંજૂરી આપવામાં આવી છે.
આ ૫.૪૪ હેક્ટર પ્લોટના પ્રસ્તાવિત પુનર્વિકાસનો કુલ બિલ્ટ-અપ વિસ્તાર ૧,૯૦,૩૬૦.૫૨ ચોરસ મીટર છે. પ્રોજેક્ટનો અંદાજિત ખર્ચ રૂ. ૩,૯૬૧.૩૯ કરોડ છે. આ સ્થળ પર હવે ચાર ઇમારતો અને બે અલગ પાર્કિગ ટાવર બનાવવામાં આવનાર છે. આ ઇમારતો ત્રણ માળ અને છ માળની હશે. ઓક્ટોબર ૨૦૨૫ માં, એરપોર્ટ ઓથોરિટી ઓફ ઇન્ડિયા (AAI) એ આ જગ્યા એરપોર્ટની નજીક હોવાથી અને એર ફનલ ઝોનમાં આવતા હોવાથી ઊંચાઈ પ્રતિબંધો સાથે નો ઓબ્જેક્શન સર્ટિફિકેટ (NOC) જાહેર કર્યું હતું. તે મુજબ, એક ઇમારતની ઊંચાઈ ૩૦.૪૦ મીટર અને બીજી ૨૮.૮૧ મીટર નક્કી કરવામાં આવી હતી. પર્યાવરણીય મંજૂરી દસ્તાવેજો મુજબ, કંપનીએ એક ઇમારત માટે ૩૦.૭૦ મીટરની ઊંચાઈની વિનંતી કરી છે, જે આ મર્યાદા કરતા ૦.૩૦ મીટર વધુ છે. દેશના દરેક ઘરમાં પ્રિય બિસ્કિટ પાર્લે-જીના વિલે પાર્લે-ઈસ્ટમાં આવેલા કેમ્પસને કમર્શિયલ રીડેવલપમેન્ટ માટે મંજૂરી મળી ગઈ છે. પાર્લે પ્રોડક્ટ્સ પ્રાઇવેટ લિમિટેડના કેમ્પસમાં કન્સ્ટ્રક્શન માટે સ્ટેટ એન્વાયર્નમેન્ટ ઓથોરિટી તરફથી ક્લિયરન્સ મળી ગયું છે. કંપની સાથે સંકળાયેલા એક અધિકારીએ કહ્યું હતું કે ‘કન્સ્ટ્રક્શન ટૂંક સમયમાં શરૂ થશે. એ માટે બૃહન્મુંબઈ મ્યુનિસિપલ કોર્પોરેશન (BMC) પાસેથી કમેન્સમેન્ટ સર્ટિફિકેટ મેળવી લેવામાં આવ્યું છે.' સ્ટેટ એન્વાયર્નમેન્ટ ઇમ્પેક્ટ અસેસમેન્ટ ઑથોરિટી (SEIAA) તરફથી પાર્લે પ્રોડક્ટ્સ પ્રાઇવેટ લિમિટેડના કુલ ૧૩.૫૪ એકરના પ્લોટ પર કમર્શિયલ ડેવલપમેન્ટ માટે એન્વાયર્નમેન્ટલ ક્લિયરન્સ આપવામાં આવ્યું છે.૩૯૬૧ કરોડ રૂપિયાના અંદાજિત પ્રોજેક્ટખર્ચ સાથે આ રીડેવલપમેન્ટ વિલે પાર્લેમાં સૌથી મહત્ત્વપૂર્ણ ડેવલપમેન્ટમાંનું એક છે.
ચારેય પ્રસ્તાવિત ઇમારતોમાં બે બેસમેન્ટ લેવલ હશે. પ્રથમ ત્રણ ઇમારતોના A વિગમાં છ માળ હશે. બિલ્ડીંગ ૧ ના બી વિગનો એક ભાગ કોમર્શિયલ ઉપયોગ માટે અનામત રાખવામાં આવશે. પહેલા, સાતમા અને આઠમા માળે દુકાનો અને ઓફિસો માટે પ્રસ્તાવિત છે. બીજાથી છઠ્ઠા માળ સુધી પાર્કિગની વ્યવસ્થા પણ હશે. આ કમર્શિયલ કોમ્પ્લેક્સમાં રિટેલ દુકાનો, રેસ્ટોરન્ટ અને ફૂડ કોર્ટનો પણ સમાવેશ થવાની શક્યતા છે
(10:21 AM IST)
છેલ્લા 8 દિવસમાં સૌથી લોકપ્રિય 
