અમેરિકા અને ઈરાન વચ્ચે ફરી યુદ્ધના ભણકારા? ટ્રમ્પે ઈરાનને આપી ઓપરેશન મિડનાઈટ હેમર જેવી વિનાશક તબાહીની ચેતવણીઃ કહ્યું કે સમય ઓછો છે, નિર્ણય ઝડપથી લો
ટ્રમ્પે ઈરાનને સીધી ચેતવણી આપતા કહ્યું છે કે ઈરાને તાત્કાલિક મંત્રણાના ટેબલ પર આવવું પડશે અને પરમાણુ શષાો છોડવા માટેનો ન્યાયી સોદો કરવો પડશેઃ જો ઈરાન તેમ નહીં કરે, તો પરિણામ ભયાનક આવશે
વોશિંગ્ટન/નવી દિલ્હી તા.૨૯: મધ્ય પૂર્વ (મિડલ ઈસ્ટ)માં ફરી એકવાર યુદ્ધના વાદળો ઘેરાયા હોય તેવા અહેવાલો સામે આવ્યા છે. અમેરિકાના પૂર્વ રાષ્ટ્રપતિ અને હાલમાં સોશિયલ મીડિયા પર સક્રિય ડોનાલ્ડ ટ્રમ્પના નામે વાયરલ થઈ રહેલા એક નિવેદને વૈશ્વિક સ્તરે ખળભળાટ મચાવ્યો છે. સોશિયલ મીડિયા પ્લેટફોર્મ પર શેર કરાયેલા એક નિવેદન મુજબ, અમેરિકાએ ઈરાન તરફ એક જંગી નૌકા કાફલો (આર્માડા) રવાના કર્યો છે.
તબાહી માટે તૈયાર રહે ઈરાન : સોશિયલ મીડિયા પર વાયરલ થયેલા આ સંદેશમાં દાવો કરવામાં આવ્યો છે કે, અમેરિકન નૌકાદળનું શક્તિશાળી એરક્રાફટ કેરિયર યુ.એસ.એસ. અબ્રાહમ લિકન ઈરાન તરફ આગળ વધી રહ્યું છે. ટ્રમ્પના નિવેદનમાં સ્પષ્ટ ચેતવણી આપવામાં આવી છે કે આ કાફલો વેનેઝુએલા મોકલવામાં આવેલા કાફલા કરતા પણ મોટો અને વધુ ઘાતક છે. સંદેશમાં કહેવાયું છે કે, આ કાફલો પૂરી તાકાત, ઉત્સાહ અને હેતુ સાથે ઝડપથી આગળ વધી રહ્યો છે.
પરમાણુ શષાો નહીં તો સોદો નહીં: ટ્રમ્પે ઈરાનને સીધી ચેતવણી આપતા કહ્યું છે કે ઈરાને તાત્કાલિક મંત્રણાના ટેબલ પર આવવું પડશે અને પરમાણુ શષો છોડવા માટેનો ન્યાયી સોદો કરવો પડશે. જો ઈરાન તેમ નહીં કરે, તો પરિણામ ભયાનક આવશે. સંદેશમાં ઉલ્લેખ કરવામાં આવ્યો છે કે અગાઉ ઈરાન પર ઓપરેશન મિડનાઈટ હેમર હેઠળ હુમલો કરવાની યોજના હતી, જે ઈરાનનો મોટો વિનાશ નોતરી શકતી હતી. હવે પછીનો હુમલો તેનાથી પણ વધુ ખતરનાક હશે તેવી ચીમકી ઉચ્ચારવામાં આવી છે. ટ્રમ્પે અંતમાં લખ્યું છે કે, સમય ઓછો છે, નિર્ણય ઝડપથી લો.
આ અહેવાલો બાદ ગલ્ફના દેશોમાં તણાવ વધવાની શક્યતા છે અને તેની સીધી અસર ક્રૂડ ઓઈલના ભાવ અને શેરબજાર પર જોવા મળી શકે છે
(10:22 AM IST)
છેલ્લા 8 દિવસમાં સૌથી લોકપ્રિય 
