કોન્ફિડન્ટ ગ્રુપના ચેરમેને IT દરોડા દરમિયાન આત્મહત્યા કરી
રૂા.૯,૦૦૦ કરોડની સંપત્તિ, એક ખાનગી જેટ અને ૨૦૦ થી વધુ કારના માલિક
બેંગલુરુ તા.૩૧: કોન્ફિડન્ટ ગ્રુપના ચેરમેન સીજે રોયે શુક્રવારે સેન્ટ્રલ બેંગલુરુમાં રિચમંડ સર્કલ નજીક તેમની કંપનીની ઓફિસમાં ગોળી મારી આત્મહત્યા કરી હતી. પોલીસના જણાવ્યા અનુસાર, આ ઘટના બપોરે ૩:૧૫ વાગ્યાની આસપાસ બની હતી. તેઓએ જણાવ્યું હતું કે આવકવેરા (IT) વિભાગ છેલ્લા ત્રણ દિવસથી શોધખોળ કરી રહ્યું હતું. આત્મહત્યા પછી આવકવેરા અધિકારીઓ ઘટનાસ્થળેથી ચાલ્યા ગયા હતા.
રોય પાસે રૂા.૯,૦૦૦ કરોડની કુલ સંપત્તિ હતી. તેમની પાસે એક ખાનગી જેટ અને ૧૨ રોલ્સ-રોયસ સહિત ૨૦૦ થી વધુ લક્ઝરી કાર હતી. મૂળ કેરળના, રોયના વ્યવસાયિક હિતો કર્ણાટક અને દુબઈમાં ફેલાયેલા હતા. કોન્ફિડન્ટ ગ્રુપ કેરળ અને કર્ણાટકમાં રિયલ એસ્ટેટ ડેવલપર છે.
પોલીસે જણાવ્યું હતું કે આ સમયે ઘટનાસ્થળે કોઈ પણ આઈટી અધિકારી હાજર નહોતા. તપાસના ભાગરૂપે બેંગલુરુ પોલીસ આઈટી વિભાગ પાસેથી જરૂરી માહિતી મેળવશે.દરમિયાન, રોયની પત્ની અને પુત્ર શનિવારે બેંગલુરુની બોરિગ હોસ્પિટલ ખાતે પોસ્ટમોર્ટમ સેન્ટર પહોંચ્યા હતા.
પોલીસે જણાવ્યું હતું કે આત્મહત્યા માટે ઉશ્કેરણીની પણ તપાસ કરવામાં આવશે.
પોલીસ આ કેસને અકુદરતી મૃત્યુ તરીકે નોંધવા કે આત્મહત્યા માટે ઉશ્કેરણીની કલમો લાગુ કરવા માટે કાનૂની આધારની તપાસ કરી રહી છે. કમિશનરે પુષ્ટિ આપી હતી કે કોન્ફિડન્ટ ગ્રુપના ડિરેક્ટરે પહેલાથી જ ફરિયાદ નોંધાવી છે.
ઓફિસ કેમ્પસમાંથી પુરાવા એકત્ર કરવામાં આવી રહ્યા છે. રેકોર્ડ અને નિવેદનોની તપાસ કર્યા પછી વધુ સ્પષ્ટતા અપેક્ષિત છે.
મુખ્યમંત્રીએ કહ્યું - અમે સત્ય શોધીશું કર્ણાટકના નાયબ મુખ્યમંત્રી ડીકે શિવકુમારે શુક્રવારે કહ્યું હતું કે કોન્ફિડન્ટ ગ્રુપના ચેરમેન સીજે રોયના મૃત્યુની ઉચ્ચ સ્તરીય તપાસ કરવામાં આવશે.
કેરળ આવકવેરા ટીમ ત્રણ દિવસથી સીજે (ચિરિયનકંદથ જોસેફ) રોયની ઓફિસ પર દરોડા પાડી રહી હતી. તેમની દરરોજ પૂછપરછ કરવામાં આવી રહી હતી. રોયના મોટા ભાઈએ આરોપ લગાવ્યો હતો કે તેમણે કેન્દ્રીય એજન્સીના દબાણને કારણે આ કડક પગલું ભર્યું. આવકવેરા અધિકારીઓએ જવાબ આપવો જોઈએ કે તેમના ભાઈએ આ પગલું કેમ ભર્યું.
ભાઈના જણાવ્યા મુજબ, રોય પર કોઈ દેવું નહોતું. કેરળથી આવકવેરા ટીમ સૌપ્રથમ ૩ ડિસેમ્બર, ૨૦૨૫ ના રોજ આવી હતી અને થોડા દિવસો માટે બેંગલુરુમાં રહી હતી. ત્યારબાદ તેઓ ૨૮ જાન્યુઆરીએ પાછા ફર્યા હતા, અને સીજે રોયને દુબઈથી બોલાવવામાં આવ્યા હતા. રોયના પરિવારમાં તેમની પત્ની લીની રોય, પુત્ર રોહિત અને પુત્રી રિયાનો સમાવેશ થાય છે.
(9:56 AM IST)
છેલ્લા 8 દિવસમાં સૌથી લોકપ્રિય 
