રાજસ્થાનના જયપુરમાં એક ફેક્ટરીમાં ઓક્સિજન સિલિન્ડર ફાટવાથી બે લોકોના મોત થયા છે અને એક ઘાયલ થયો છે. વિશ્વકર્મા પોલીસ સ્ટેશનના SHO રવિન્દ્ર નારુકાએ જણાવ્યું હતું કે, "અમને સાંજે લગભગ 7:50 વાગ્યે ઓક્સિજન બોટલિંગ પ્લાન્ટમાં વિસ્ફોટ થયાની માહિતી મળી હતી. અમે તાત્કાલિક ઘટનાસ્થળે પહોંચ્યા અને બે ઘાયલ લોકોને શોધી કાઢ્યા, જેમને સારવાર માટે હોસ્પિટલમાં લઈ જવામાં આવ્યા હતા, જેમાંથી એકનું સારવાર દરમિયાન મોત થયું હતું. એક વ્યક્તિનું ઘટનાસ્થળે જ મોત થયું હતું અને તેના મૃતદેહને પોસ્ટમોર્ટમ માટે મોકલી દેવામાં આવ્યો છે. કુલ બે લોકોના મોત થયા છે. FSL ટીમો અકસ્માતના કારણની તપાસ કરી રહી છે."