સંસદમાં નાણામંત્રી સીતારામણે જણાવ્યું કે સરકાર પ્રાકૃતિક ખેતીને પ્રોત્સાહન આપશે. આગામી ૨ વર્ષમાં ૧ કરોડ ખેડૂતોને નેચરલ ફાર્મિંગ સાથે જોડવામાં આવશે. આ માટે સર્ટિફિકેશન અને બ્રાન્ડિંગમાં સરકાર મદદ કરશે. રાજકોટ અને આસપાસના જિલ્લાઓમાં જ્યાં ઓર્ગેનિક ખેતી વધી રહી છે ત્યાં આનો સીધો લાભ મળશે. આ ઉપરાંત ખાતર અને દવાઓ માટે ૧૦ હજાર જેટલા બાયો ઈનપુટ રિસોર્સ સેન્ટર સ્થાપવાની પણ જાહેરાત થઈ છે જેથી ખેડૂતોને ઘરઆંગણે જ ઓર્ગેનિક ખાતર મળી રહેશે.