બજેટમાં ડ્યુટી ઘટાડવાની વાત આવતા જ બજારમાં હાજર ભાવ તૂટ્યા છે. રોકાણકારો હવે ભાવ સ્થિર થવાની રાહ જોઈ રહ્યા છે.

બજેટ ભાષણમાં જેવી સોના-ચાંદી પર ટેક્સ ઘટાડવાની વાત આવી કે તરત જ તેની અસર કોમોડિટી માર્કેટ પર જોવા મળી છે. બપોરના સત્રમાં સોનાના ભાવમાં પ્રતિ દસ ગ્રામ ૨૦૦૦ (બે હજાર) રૂપિયા અને ચાંદીમાં પ્રતિ કિલો ૩૦૦૦ (ત્રણ હજાર) થી ૪૦૦૦ (ચાર હજાર) રૂપિયા સુધીનો ઘટાડો નોંધાયો છે. 

વેપારીઓનું માનવું છે કે આગામી થોડા દિવસોમાં જ્યારે નવી ડ્યુટીના દરો અમલી બનશે ત્યારે ભાવમાં હજુ પણ મોટો ફેરફાર જોવા મળી શકે છે. સોનામાં રોકાણ કરનારાઓ અત્યારે વેચાણ કરવાને બદલે નવી ખરીદી માટે રાહ જોઈ રહ્યા છે.