મણીપુરમાં રાષ્ટ્રપતિ શાસનનો અંત ઢુંકડોઃ નવી સરકારની રચનાનો ધમધમાટઃ દિલ્હીમાં બેઠક
NDA ના ધારાસભ્યો દિલ્હીમાં: ૧૨મીએ રાષ્ટ્રપતિ શાસનની મુદત પુરી થાય છે
નવી દિલ્હી,તા.૦૨: મણિપુરના ૨૦ થી વધુ ભાજપ ધારાસભ્યો પાર્ટીના કેન્દ્રીય નેતૃત્વ સાથે બેઠકમાં હાજરી આપવા માટે દિલ્હી પહોંચ્યા છે. આ ધારાસભ્યો પાર્ટીના રાજ્ય એકમના પ્રમુખ સાથે છે. ભાજપ મણિપુર એકમના પ્રમુખ અધિકારીમાયુમ શારદા દેવીએ ઇમ્ફાલ એરપોર્ટ પર પત્રકારોને જણાવ્યું હતું કે, તમામ રાષ્ટ્રીય લોકશાહી જોડાણ (NDA) ધારાસભ્યોને આમંત્રણ આપવામાં આવ્યું છે. અમને આશા છે કે જનતાની સરકાર બનશે.
પૂર્વ મુખ્યમંત્રી એન. બિરેન સિહે કહ્યું, NDA સાથી પક્ષોના તમામ ધારાસભ્યોને બેઠકમાં આમંત્રણ આપવામાં આવી રહ્યું હોવાથી, મને સકારાત્મક પરિણામની આશા છે.
અગાઉ, ભાજપના તમામ ધારાસભ્યોની બેઠક યોજાઈ હતી. રાષ્ટ્રપતિ શાસનનો સમયગાળો ૧૨ ફેબ્રુઆરીએ સમાપ્ત થવાનો છે. અમને સકારાત્મક પરિણામની આશા છે.
જ્યારે સિહને પૂછવામાં આવ્યું કે શું તેઓ સત્તામાં હોત તો પરિસ્થિતિ અલગ હોત, ત્યારે તેમણે કહ્યું, સરકાર એક ચાલુ પ્રક્રિયા છે. મેં મણિપુરમાં પરિસ્થિતિ બદલવા માટે મારા શ્રેષ્ઠ પ્રયાસો કર્યા.
પહાડી અને ખીણ બંને વિસ્તારોમાં નોંધપાત્ર ફેરફારો થયા છે. લામસંગ મતવિસ્તારના ધારાસભ્ય એસ. રાજન સિહે કહ્યું, સરકાર બનાવવાની શક્યતા છે. જોકે, રાજ્યની પરિસ્થિતિનું મૂલ્યાંકન કર્યા પછી કેન્દ્રીય નેતૃત્વ દ્વારા નેતાની પસંદગી કરવામાં આવશે. બેઠક સોમવારે સાંજે યોજાવાની શક્યતા છે.
ધારાસભ્ય એચ. ડિગોએ જણાવ્યું હતું કે બેઠક સોમવારે સાંજે યોજાવાની છે, પરંતુ હજુ સુધી એજન્ડાની જાહેરાત કરવામાં આવી નથી. તેમણે કહ્યું, અમને આજે જ દિલ્હી પહોંચવાનું કહેવામાં આવ્યું છે. ખુરાઈ મતવિસ્તારના ધારાસભ્ય એલ. સુસિન્દ્રોએ કહ્યું કે તેમને દિલ્હીમાં બેઠક વિશે કોઈ માહિતી મળી નથી.
નેશનલ પીપલ્સ પાર્ટી (NPP) ના રાજ્ય પ્રમુખ લોર્હો એસ. ફોજેએ કહ્યું, હું પણ દિલ્હી જઈ રહ્યો છું. સરકાર રચના અંગે કંઈ ચોક્કસ નથી. અમને ફક્ત એક બેઠક માટે બોલાવવામાં આવ્યા છે.
NPP નાગાના ધારાસભ્ય જે. પામેઈએ કહ્યું, ચાલો સારાની આશા રાખીએ. હા, અમને બોલાવવામાં આવ્યા છે, અમે બધા NDA સાથી છીએ. ચાલો જોઈએ શું થાય છે.
મણિપુરમાં મેઈતેઈ અને કુકી જૂથો વચ્ચે વંશીય હિસામાં મે ૨૦૨૩ થી ૨૬૦ થી વધુ લોકો માર્યા ગયા છે અને હજારો લોકો વિસ્થાપિત થયા છે. ગયા વર્ષે ૧૩ ફેબ્રુઆરીએ મુખ્યમંત્રી પદેથી એન. બિરેન સિહના રાજીનામા બાદ, કેન્દ્ર સરકારે રાજ્યમાં રાષ્ટ્રપતિ શાસન લાદ્યું હતું.
રાજ્ય વિધાનસભા, જેનો કાર્યકાળ ૨૦૨૭ માં સમાપ્ત થાય છે, તેને સ્થગિત કરવામાં આવી હતી. ૬૦ સભ્યોની મણિપુર વિધાનસભામાં ભાજપ પાસે ૩૭ ધારાસભ્યો છે. NDA સાથી NPP અને નાગા પીપલ્સ ફ્રન્ટ (NPF) પાસે અનુક્રમે છ અને પાંચ ધારાસભ્યો છે
(12:07 PM IST)
છેલ્લા 8 દિવસમાં સૌથી લોકપ્રિય 
