વોશિંગ્ટન પોસ્ટમાં મોટી છટણીઃ થરૂરના પુત્રએ પણ નોકરી ગુમાવી
કંપનીના એક તૃતીયાંશ કર્મચારીઓ છટણીથી પ્રભાવિત થયા છે : કંપનીએ સ્પોર્ટ્સ ડેસ્કને સંપૂર્ણપણે બંધ કરવાનો અને આંતરરાષ્ટ્રીય રિપોર્ટિગ ઘટાડવાનો નિર્ણય લીધો
વોશિંગ્ટન તા.૫: વિશ્વના સૌથી પ્રતિષ્ઠિત અખબારોમાંના એક, વોશિગ્ટન પોસ્ટે બુધવારે એક મહત્વપૂર્ણ પુનર્ગઠનની જાહેરાત કરી, જેના પરિણામે મોટા પાયે છટણી થઈ. આ નિર્ણયથી અખબારના આંતરરાષ્ટ્રીય ડેસ્ક અને સ્પોર્ટ્સ ડેસ્ક સૌથી વધુ પ્રભાવિત થયા છે. કંપનીએ માત્ર તેના આંતરરાષ્ટ્રીય રિપોર્ટિગમાં ઘટાડો કર્યો નથી પરંતુ તેના હાલના સ્પોર્ટ્સ ડેસ્કને સંપૂર્ણપણે બંધ કરવાનો પણ નિર્ણય લીધો છે. અહેવાલો અનુસાર, કંપનીના લગભગ એક તૃતીયાંશ કર્મચારીઓ છટણીથી પ્રભાવિત થયા છે.
કોંગ્રેસ સાંસદ શશી થરૂરના પુત્ર અને વોશિગ્ટન પોસ્ટના વરિષ્ઠ પત્રકાર ઈશાન થરૂર, નોકરી ગુમાવનારાઓમાં સામેલ હતા. તેમણે સોશિયલ મીડિયા પર ખાલી ન્યૂઝરૂમનો ફોટો શેર કર્યો, તેને ૅખરાબ દિવસૅ ગણાવ્યો. ઈશાને કહ્યું કે વોશિગ્ટન પોસ્ટ સાથે તેમનો ૧૨ વર્ષનો કાર્યકાળ અદ્ભુત રહ્યો છે અને ૨૦૧૭ થી તેમના વર્લ્ડવ્યૂ કોલમ દ્વારા લાખો વાચકો સાથે જોડાવું એ એક સન્માનની વાત હતી. તેમની સાથે, જેરુસલેમ બ્યુરો ચીફ ગેરી શિંહ, ઇન્વેસ્ટિગેટિવ રિપોર્ટર વિલ હોબસન અને દિલ્હી, બેઇજિગ, કિવ અને લેટિન અમેરિકામાં તૈનાત અનેક આંતરરાષ્ટ્રીય સંવાદદાતાઓને પણ છટણી કરવામાં આવી હતી.
પત્રકારત્વ જગત માટે એક દુઃખદ દિવસઃ છટણી કરાયેલા પત્રકારોએ સોશિયલ મીડિયા પર તેમની યાદો અને ગર્વ શેર કર્યો. ગેરી શિહે કહ્યું કે તેમની સાથે તેમની સમગ્ર મધ્ય પૂર્વ ટીમને છટણી કરવામાં આવી હતી. તપાસ પત્રકાર વિલ હોબસને પોતાની ૧૧ વર્ષની સફરને યાદ કરતા કહ્યું કે રમતગમતની દુનિયામાં પ્રભાવશાળી વ્યક્તિઓને જવાબદાર ઠેરવવાનું સ્વપ્ન સાકાર થયું. કૈરો, યુક્રેન અને બર્લિન જેવા મુખ્ય કેન્દ્રોના બ્યુરો ચીફે પણ આ અચાનક કટોકટી પર દુઃખ વ્યક્ત કર્યું છે. આ મોટા પાયે છટણીઓએ ફરી એકવાર વૈશ્વિક મીડિયા ઉદ્યોગમાં નોકરીની સુરક્ષા અંગે પ્રશ્નો ઉભા કર્યા છે.
(10:11 AM IST)
છેલ્લા 8 દિવસમાં સૌથી લોકપ્રિય 
