દરભંગા તા.૫: બિહારના દરભંગાના કુશેશ્વરસ્‍થાન પોલીસ સ્‍ટેશનમાં એક અનોખો કેસ નોંધાયો છે. અહીં આખા ગામના બ્રાહ્મણો પર FIR નોંધવામાં આવી છે. ૧૨ લોકોની ધરપકડ પણ કરવામાં આવી છે. આ અનોખી ઘટના કુશેશ્વરસ્‍થાન પોલીસ સ્‍ટેશન વિસ્‍તારના હરિનગર ગામની હોવાનું જણાવાઈ રહ્યું છે.

આ ઘટનાને નેશનલ ક્રાઈમ ઈન્‍ફોર્મેશન બ્‍યૂરો નામના NGO દ્વારા પર શેર કરવામાં આવી છે. આ સંસ્‍થા નાગરિકોને બંધારણ અને કાયદા દ્વારા આપવામાં આવેલા અધિકારો અંગે જાગૃત કરે છે. NCIBએ લખ્‍યું કે, એવા બ્રાહ્મણો વિરુદ્ધ જ્‍ત્‍ય્‍ નોંધાવવામાં આવી છે, જેમાં નામજદ મોટાભાગ ના બ્રાહ્મણ દિલ્‍હી-મુંબઈમાં મજૂરી કરી પરિવારનું ગુજરાન ચલાવે છે.

અસલમાં, પોલીસ અનુસાર હરિનગર ગામના રહેવાસી અસર્ફી પાસવાન દ્વારા કુશેશ્વરસ્‍થાન પોલીસ સ્‍ટેશન વિસ્‍તારમાં એક અરજી આપવામાં આવી છે, જેમાં આખા ગામને આરોપી બનાવવામાં આવ્‍યું છે. ગામના ૭૦ બ્રાહ્મણોને નામજદ જ્‍યારે ૧૦૦-૧૫૦ અજ્ઞાત લોકોને આરોપી બનાવવામાં આવ્‍યા છે.

અરજીમાં જણાવવામાં આવ્‍યું છે કે, વિક્રમ પાસવાનના મોટાભાઈ કૈલાશ પાસવાને ૨૦૧૫ની સાલમાં હરિનગર ગામના રહેવાસી હેમંત ઝાનું મકાન બનાવ્‍યું હતું, જેના દોઢ લાખ રૂપિયા હજી લેવાના બાકી નીકળે છે. તેણે જણાવ્‍યું કે, વારંવાર માંગણી છતાં ચૂકવણી કરવામાં આવતી નથી.

અરજીમાં અસર્ફી પાસવાને આરોપ લગાવ્‍યો છે કે, આ વિવાદને લઈને હેમંત ઝા, શ્રીનાથ ઝા, પંકજ ઝા, ઓમપ્રકાશ ઝા, બાબૂ ઝા, જગન્નાથ ઝા, અમિત કુમાર ઝા સહિત ઘણા લોકો એકઠાં થઈને ઘરમાં ઘૂસી ગયા અને લાકડી-ડંડા તથા પગારિયા વડે પરિવાર પર હુમલો કરી દીધો.

હુમલામાં ઘરમાં હાજર મહિલાઓ અને બાળકી ઘાયલ થયા. ઘટનાનો લાઈવ વીડિયો પણ સામે આવ્‍યો છે, જેમાં હુમલા તથા અફરાતફરીના લ્લશ્‍યો સ્‍પષ્ટ રીતે જોઈ શકાય છે. ઘટના પછી ગામમાં તણાવનો માહોલ છે.

આ સમગ્ર મામલે બિરૌલી ડીએસપી પ્રભાકર તિવારીએ જણાવ્‍ચું કે, ૩૧ જાન્‍યુઆરી ૨૦૨૬ની રાતે લેવડ-દેવડના વિવાદમાં મારપીટ થઈ હતી. આમાં ૧૦થી વધારે લોકો ઘાયલ થયા હતા. આ કેસમાં ૧૨ લોકોની ધરપકડ કરવામાં આવી છે, જેમની પૂછપરછ કરવામાં આવી રહી છે. ઘટના પછી ગામમાં સુરક્ષા વધારી દેવામાં આવી છે. સ્‍થિતિ તણાવપૂર્ણ છે પરંતુ નિયંત્રણમાં છે.