કોઈસ્ત્રીને ગર્ભપાત માટે દબાણ કરી શકાતું નથી
કોર્ટે ૩૦ અઠવાડિયાની ગર્ભાવસ્થા સમાપ્ત કરવાની પણ મંજૂરી આપી
નવી દિલ્હી તા.૬: સુપ્રીમ કોર્ટે એક મહત્વપૂર્ણ ચુકાદામાં સ્પષ્ટપણે જણાવ્યું છે કે કોઈ પણ ષી ખાસ કરીને સગીર છોકરીને તેની ઇચ્છા વિરુદ્ધ ગર્ભપાત માટે દબાણ કરી શકાતું નથી. કોર્ટે ૩૦ અઠવાડિયાની ગર્ભાવસ્થા સમાપ્ત કરવાની પણ મંજૂરી આપી છે. આ ગર્ભાવસ્થા એક એવી છોકરીની હતી જે ગર્ભધારણ સમયે સગીર હતી. આ નિર્ણય સુપ્રીમ કોર્ટના ન્યાયાધીશ બી.વી. નાગરથ્ના અને ઉજ્જલ ભુયાનની બેન્ચ દ્વારા આપવામાં આવ્યો હતો. કોર્ટે આદેશ આપ્યો છે કે ગર્ભપાત પ્રક્રિયા મુંબઈની જેજે હોસ્પિટલમાં તમામ જરૂરી તબીબી સાવચેતીઓ સાથે કરવામાં આવે.
કોર્ટે પોતાના આદેશમાં જણાવ્યું હતું કે આ કેસમાં સૌ પ્રથમ સગીર છોકરીના અધિકારોનો વિચાર કરવો જોઈએ. છોકરી મુશ્કેલ પરિસ્થિતિમાંથી પસાર થઈ રહી છે અને ગર્ભાવસ્થા ચાલુ રાખવા માંગતી નથી. કોર્ટે જણાવ્યું હતું કે સંબંધ સંમતિથી હતો કે નહીં તે પ્રશ્ન મહત્વપૂર્ણ નથી, પરંતુ તે હકીકત એ છે કે છોકરી સગીર છે અને માતા બનવા માંગતી નથી.
સુપ્રીમ કોર્ટે તેના નિર્ણયમાં જણાવ્યું હતું કે જો માતાના હિતોને ધ્યાનમાં લેવામાં આવે, તો તેની પોતાની પસંદગી અને નિર્ણય લેવાના અધિકારને પૂર્ણ મહત્વ આપવું જોઈએ. કોર્ટ કોઈપણ મહિલાને, ખાસ કરીને સગીરને, માતા બનવા માટે દબાણ કરી શકતી નથી.
સુનાવણી દરમિયાન, ન્યાયાધીશ નાગરત્નાએ જણાવ્યું હતું કે આ નિર્ણય કોર્ટ માટે પણ સરળ નથી. એક તરફ, અજાત બાળક છે, જે જન્મ પછી જીવન બની જશે, અને બીજી તરફ, છોકરીની સ્પષ્ટ ઇચ્છા છે કે તે ગર્ભાવસ્થા ચાલુ રાખવા માંગતી નથી. તેમણે કહ્યું કે જ્યારે ગર્ભપાત ૨૪ અઠવાડિયા સુધી માન્ય રાખી શકાય છે, તો પછી તેને ૩૦ અઠવાડિયામાં કેમ રોકવું જોઈએ કારણ કે સમય ખૂબ વધારે છે, જ્યારે છોકરી સ્પષ્ટપણે બાળકને જન્મ આપવા માંગતી નથી.
(4:03 PM IST)
છેલ્લા 8 દિવસમાં સૌથી લોકપ્રિય 
