જમ્મુ-કાશ્મીરનું લોકભોગ્ય બજેટ : ૨૩,૦૦૦ સરકારી ભરતી, ૪૦,૦૦૦ નવા ઘર અને ડેઈલી વેજર્સને કાયમી કરવાની મુખ્યમંત્રીની જાહેરાત
મુખ્યમંત્રી ઉમર અબ્દુલ્લાએ વિધાનસભામાં બજેટ રજૂ કર્યું; કૃષિ ક્ષેત્ર માટે ૧,૮૦૦ કરોડની ફાળવણી, ઈ-બસ અને આંતરરાષ્ટ્રીય ફિલ્મ ફેસ્ટિવલ દ્વારા વિકાસને વેગ અપાશે.
જમ્મુ-કાશ્મીરના મુખ્યમંત્રી ઉમર અબ્દુલ્લાએ શુક્રવારે વિધાનસભામાં નાણાકીય વર્ષ ૨૦૨૬-૨૭ માટેનું બજેટ રજૂ કર્યું હતું. આ બજેટમાં શિક્ષણ, રોજગાર અને ગરીબ કલ્યાણ પર વિશેષ ભાર મૂકવામાં આવ્યો છે. મુખ્યમંત્રીએ સૌથી મોટી જાહેરાત કરતા જણાવ્યું કે, આગામી વર્ષમાં ૨૩,૦૦૦ થી વધુ ખાલી પડેલી સરકારી જગ્યાઓ પર ફાસ્ટ ટ્રેક ધોરણે ભરતી કરવામાં આવશે. આ ઉપરાંત, દાયકાઓથી અનિﾍતિતામાં જીવતા ૬૦,૦૦૦ ડેઈલી વેજર્સ (દૈનિક વેતન મેળવતા કર્મચારીઓ) ને કાયમી કરવા માટે સરકાર એક મજબૂત રોડમેપ તૈયાર કરી રહી છે.
બજેટની અન્ય મહત્વની બાબતોમાં ગરીબો માટે ૪૦,૦૦૦ નવા ઘરોનું નિર્માણ અને ૩ લાખ બેઘર પરિવારોને આવાસ આપવાની યોજના સામેલ છે. કૃષિ ક્ષેત્ર માટે ૧,૮૦૦ કરોડ રૂપિયા ફાળવવામાં આવ્યા છે, જ્યારે ડેરી સેક્ટરમાં ૭ નવા મિલ્ક પ્રોસેસિગ યુનિટ સ્થાપવામાં આવશે. પર્યટનને પ્રોત્સાહન આપવા માટે આંતરરાષ્ટ્રીય ફિલ્મ ફેસ્ટિવલનું આયોજન અને શહેરી પરિવહન માટે ઈ-બસો દોડાવવાની જાહેરાત પણ કરવામાં આવી છે. મુખ્યમંત્રીએ આ બજેટને જમ્મુ-કાશ્મીરના આર્થિક અને સામાજિક વિકાસનો નવો ‘રોડમેપ' ગણાવ્યો છે.
(11:48 AM IST)
છેલ્લા 8 દિવસમાં સૌથી લોકપ્રિય 
