રાજસ્થાન: દૌસા જિલ્લામાં સિકંદરા પોલીસ સ્ટેશન વિસ્તારના કૈલાઈ ગામ પાસે નેશનલ હાઈવે-૨૧ પર એક ગમખ્વાર અકસ્માત સર્જાયો હતો. એક સ્વિફ્ટ ડિઝાયર કાર બેકાબૂ બનીને ડિવાઈડર ઓળંગી સામેની લેનમાં આવી ગઈ હતી અને સામેથી આવતા એક ટ્રેલર (ટ્રક) સાથે જોરદાર ટકરાઈ હતી.

આ અકસ્માતમાં કારમાં સવાર તમામ ૬ લોકોના મોત થયા છે. મૃતકોમાં લોકેશ, દિલખુશ, મનીષ, અંકિત, સમય અને નવીન નામના યુવાનોનો સમાવેશ થાય છે. આ તમામ મૃતકો કલાખોહ ગામના રહેવાસી હોવાનું જાણવા મળ્યું છે.

અકસ્માત એટલો ભીષણ હતો કે કારનો કચ્ચરઘાણ નીકળી ગયો હતો. પોલીસે મૃતદેહોને પોસ્ટમોર્ટમ માટે મોકલી આપ્યા છે અને અકસ્માતના કારણોની તપાસ શરૂ કરી છે. પ્રાથમિક દ્રષ્ટિએ ઓવર-સ્પીડ (અતિશય ઝડપ) અકસ્માતનું કારણ હોવાનું મનાય છે.

તમામ લોકો રાજસ્થાનના આભાનેરી ગામમાં એક લગ્ન સમારોહમાં ગયા હતા. આમ, લગ્નમાંથી પરત આવતી વખતે અકસ્માત સર્જાયો હતો.