અમેરિકામાં હવે હિન્દુઓને ગૌમૂત્ર અને ગોબર ખાનારા લોકો તરીકે ઓળખાવીને મજાક ઉડાવવામાં આવી
ટેક્સસમાં એક કન્ઝર્વેટિવ એટલે કે રિપબ્લિકન પાર્ટીના સમર્થક યૂટયૂબર અને કોમેડિયને ગૌમૂત્ર અને ગોબરનો ઉલ્લેખ કરીને હિન્દુઓને ટાર્ગેટ કર્યા
ટેક્સસ,તા.૧૩: અમેરિકામાં હવે હિન્દુઓને ગૌમૂત્ર અને ગોબર ખાનારા લોકો તરીકે ઓળખાવીને તેમની મજાક ઉડાવવામાં આવી રહી છે. ટેક્સસમાં એક કન્ઝર્વેટિવ એટલે કે રિપબ્લિકન પાર્ટીના સમર્થક યૂટ્યૂબર અને કોમેડિયને ગૌમૂત્ર અને ગોબરનો ઉલ્લેખ કરીને હિન્દુઓને ટાર્ગેટ કર્યા છે જેનાથી હિન્દુઓમાં રોષની લાગણી પ્રવર્તી રહી છે અને સોશિયલ મીડિયા પર પણ આ મુદ્દો છવાઈ ગયો છે.
એલેક્સ સ્ટેન નામના આ કોમેડિયને પેલાનો સિટી કાઉન્સિલની મિટિગમાં આપેલી સ્પીચમાં આ કૃત્ય કર્યું હતું જેમાં તેને હિન્દુ હોવાનો ડોળ કરતા કુર્તા નીચે બ્લેક શોર્ટ્સ પહેરવાની સાથે કપાળ પર તીલક પણ કર્યું હતું. પોતાની ઓળખ પણ તેણે યંગ ઈન્ડિયન બોય તરીકે આપી હતી અને પોતે ભારતની પવિત્ર ભૂમિ પરથી આવ્યો હોવાનું જણાવ્યું હતું.
હિન્દુઓને ટાર્ગેટ કરતા પહેલા એલેક્સ સ્ટેને પહેલા ગાય અમારી માતા છે, તેનું યુરિન એટલે કે ગૌમૂતર દુનિયાની સૌથી કારગત દવા છે અને તેનું ગોબર પવિત્ર ગોલ્ડ જેવું છે તેવું કહ્યું હતું. જોકે, તેનો ટોન પહેલાથી જ જાણે હિન્દુઓ પર કટાક્ષ કરતો હોય તેવો રહ્યો હતો. એલેક્સે આ લવારી શરૂ કરી ત્યારે સિટી કાઉન્સિલની મિટિગમાં હાજર હિન્દુઓ પોતાની જગ્યા પરથી ઉભા થઈને ચાલવા માડ્યા હતા. એલેક્સે જ્ગ્ત્ના ડિરેક્ટર કાશ પટેલનું નામ લઈ તેમની ગર્લફ્રેન્ડ એલેક્સિસ વિલ્કિન્સનો પણ ઉલ્લેખ કર્યો હતો. તેમની પણ મજાક કરતા આ કોમેડિયને જણાવ્યું હતું કે આશા છે કે જલ્દી તેમના ઓથેન્ટિક ઈન્ડિયન મેરેજ થઈ જાય.
હિન્દુના ગેટઅપમાં આવેલા એલેક્સે તેની સ્પીચની શરૂઆતમાં એવું કહ્યું હતું કે હાલ મારી સ્થિતિ ખૂબ જ ખરાબ છે કારણકે મને ગૌમૂત્ર પીવાનું અને ગોબર ખાવાનું પસંદ હોવાથી મુસ્લિમો દ્વારા મારી મજાક ઉડાવાઈ રહી છે. ગાયને અસામાન્ય પ્રાણી ગણાવતા એલેક્સે કહ્યું હતું કે ગાય આધ્યાત્મિક માતા છે અને તેનું દૂધ અમૃત છે તેમજ મૂત્ર ભગવાન તરફથી મોકલાયેલી સૌથી શુદ્ધ દવા અને ગોબર સોના સમાન છે.
જોકે, હવે આડોશી-પાડોશીઓ દ્વારા પોતાને આ જ બાબતને કારણે પરેશાન કરાઈ રહ્યો હોવાનું જણાવતા આ કોમેડિયને કહ્યું હતું કે લોકો એવું કહી રહ્યા છે કે ગૌમૂત્ર પીવાનું અને છાણ ખાવાનું બંધ કરી નાખ. એટલુ જ નહીં, પાડોશીઓ પોતાની ગાય લક્ષ્મી વિરૂદ્ધ ગમે તેમ બોલી રહ્યા છે અને ધાર્મિક માન્યતાને હરામ ગણાવી રહ્યા છે.
ટેલર ઓલિવેરા નામના એક યૂટ્યૂબ દ્વારા હિન્દુઓની મજાક ઉડાવાઈ છે તેવું કહેતા એલેક્સે જણાવ્યું હતું કે તે હિન્દુ કલ્ચરની પાછળ પડી ગયો છે પણ પોતાને ગૌમૂત્ર અને ગોબર ખૂબ જ પસંદ છે. છેલ્લે તો તેણે રડવાની એક્ટિંગ કરતા મેયરને એવું પણ કહ્યું હતું કે પોતાને ગોબર ખાવાની અને ગૌમૂત્ર પીવાની મંજૂરી આપવામાં આવે.
એલેક્સ અમેરિકામાં જન્મેલો ક્રિﾍનિ છે પણ હિન્દુઓની મજાક ઉડાવવા તે સિટી કાઉન્સિલની મિટિગમાં હિન્દુ બનીને જ આવ્યો હતો. તેની સ્પીચનો વિડીયો વાયરલ થતાં તેણે એક પોડકાસ્ટરને આપેલા ઈન્ટરવ્યુમાં એવું જણાવ્યું હતું કે હિન્દુઓ ગૌમૂત્ર પીવાની સાથે છાણ પણ ખાય છે અને પોતે આ જ વાતનો ઉલ્લેખ કર્યો છે, તેમાં ખોટું શું કહી દીધું કે હિન્દુઓ મારા પર ભડકી ગયા છે? આ શોમાં એલેક્સે પોતાને ટાર્ગેટ કરનારા કેટલાક લોકો દ્વારા સોશિયલ મીડિયા પર કરાયેલી પોસ્ટ્સના સ્ક્રીનશોટ્સ પણ શેર કર્યા હતા.
એલેક્સે હિન્દુઓની જે રીતે મજાક ઉડાવી છે તેની તેના જેવા જ કેટલાક અમેરિકન્સ ખૂબ જ સરાહના કરી રહ્યા છે જ્યારે ઈન્ડિયન્સ તેનાથી બરાબરના અકળાયા છે. કેટલાક લોકોએ તેને બીજા ધર્મના લોકોની પણ આ રીતે મજાક ઉડાવવા માટે ચેલેન્જ ફેંકી છે. લગભગ તમામ ઈન્ડિયન્સ યુએસમાં સેટલ થયા બાદ પણ પોતાના કલ્ચરને નથી છોડતા હોતા, પરંતુ જે રીતે છેલ્લા એકાદ-દોઢ વર્ષથી હિન્દુઓને ટાર્ગેટ કરાઈ રહ્યા છે તેમાં તેમના કલ્ચરની પણ મજાક ઉડાવવામાં આવી રહી છે. હજુ થોડા દિવસો પહેલા જ વિવેક રામાસ્વામીએ પોતાની દીકરીનું નામ સાવિત્રી રાખતા લોકોએ તેમની પણ મજાક ઉડાવી હતી.(૪૦.૪)
(10:23 AM IST)
છેલ્લા 8 દિવસમાં સૌથી લોકપ્રિય 
