લખનૌ: ઉત્તર પ્રદેશના રાજકારણમાં ફરી એકવાર ગરમાવો જોવા મળી રહ્યો છે. સમાજવાદી પાર્ટીના રાષ્ટ્રીય અધ્યક્ષ અને પૂર્વ મુખ્યમંત્રી અખિલેશ યાદવે યોગી સરકાર પર આકરા પ્રહારો કર્યા છે. તેમણે રાજ્યની કાયદો અને વ્યવસ્થાથી લઈને બજેટ સુધીના મુદ્દે સરકારને ઘેરી હતી. અખિલેશે ખાસ કરીને પોલીસ તંત્ર પર નિશાન સાધતા એક એવું સૂત્ર આપ્યું જે અત્યારે સોશિયલ મીડિયા પર વાયરલ થઈ રહ્યું છે – "હથેળી ગરમ છે, પોલીસ નરમ છે."
": અખિલેશ યાદવે આરોપ લગાવ્યો કે ભાજપના શાસનમાં પોલીસની સ્થિતિ દયનીય બની ગઈ છે. તેમણે કહ્યું કે, "અમારા કાર્યકાળ દરમિયાન બનેલી 'ડાયલ ૧૦૦' જેવી આધુનિક સિસ્ટમ આજે બરબાદ થઈ ગઈ છે. આજે સ્થિતિ એવી છે કે જો કોઈની હથેળી ગરમ (લાંચ આપવી) કરવામાં આવે, તો પોલીસ નરમ થઈ જાય છે. ભ્રષ્ટાચાર ચરમસીમાએ છે અને સામાન્ય માણસની કોઈ સુનાવણી નથી."
આગ્રા અને અન્ય શહેરોની સ્થિતિ પર સવાલ ઉઠાવતા સપા વડાએ કહ્યું કે સરકાર સ્માર્ટ સિટીના નામે માત્ર કાગળ પર વાતો કરે છે.
પીવાનું પાણી: અખિલેશે સવાલ કર્યો કે સ્માર્ટ સિટીના નામે કરોડો રૂપિયા લીધા હોવા છતાં લોકોને સ્વચ્છ અને મીઠું પાણી કેમ નથી મળતું?
 તેમણે ઈન્દોરના ઉદાહરણ સાથે યુપીની સરખામણી કરતા કહ્યું કે, યુપીમાં આજે પણ કચરાના ઢગલા જોવા મળે છે. મેયરથી લઈને દિલ્હી સરકાર સુધી બધે જ ભાજપ હોવા છતાં યમુના નદીની સફાઈ કેમ નથી થતી?
 સરકાર દ્વારા રજૂ કરવામાં આવેલા બજેટ પર પ્રતિક્રિયા આપતા અખિલેશે કહ્યું કે, "બજેટ કદમાં ભલે મોટું બતાવવામાં આવ્યું હોય, પરંતુ જમીની સ્તર પર કોઈ કામ દેખાતું નથી. આગ્રાના જૂતાના વેપારીઓ રાહત માટે પોતાના જૂતા ઘસી રહ્યા છે, પણ તેમને કંઈ મળતું નથી. ટ્રાફિક જામ અને બરબાદ રસ્તાઓ જેવી પાયાની સમસ્યાઓનો ઉકેલ બજેટમાં ક્યાંય નથી."
અંતમાં તેમણે ભાજપ પર 'અંગ્રેજોની નીતિ' અપનાવવાનો આરોપ લગાવતા કહ્યું કે ભાજપ ભાગલા પાડીને રાજ કરવામાં માને છે, પરંતુ ઉત્તર પ્રદેશની જનતા હવે સમાજવાદી વિચારધારા અને સેક્યુલરિઝમના માર્ગ પર ચાલીને ભાજપને જડબાતોડ જવાબ આપશે