ઈસરોની વ્યવસાયિક પાંખ ન્યૂસ્પેસ ઈન્ડિયા લિમિટેડ (એન.એસ.આઈ.એલ.) એ ગાંધીનગરના ગિફ્ટ સિટીમાં પોતાની નવી ઓફિસ શરૂ કરી છે અને અંતરિક્ષ ક્ષેત્રના સ્ટાર્ટઅપ ગેલેક્સ આઈ સાથે મહત્વના કરાર કર્યા છે.

ગુજરાતના ગિફ્ટ સિટીમાં હવે અંતરિક્ષ વિજ્ઞાનનો પગરવ સંભળાશે. ભારતીય અંતરિક્ષ સંશોધન સંસ્થા (ઈસરો) ની વ્યાપારી પાંખ ન્યૂસ્પેસ ઈન્ડિયા લિમિટેડ (એન.એસ.આઈ.એલ.) એ અહીં પોતાની નવી ઓફિસનું ઉદઘાટન કર્યું છે. આ પગલાથી ખાનગી અંતરિક્ષ કંપનીઓને મોટું પ્રોત્સાહન મળશે. આ પ્રસંગે એન.એસ.આઈ.એલ. એ સ્પેસ-ટેક સ્ટાર્ટઅપ 'ગેલેક્સઆઈ' સાથે વ્યૂહાત્મક ભાગીદારી કરી છે. આ કરાર હેઠળ ઉપગ્રહ ડેટા અને ભવિષ્યના અવકાશ મિશનમાં સંયુક્ત કાર્ય કરવામાં આવશે.

ગિફ્ટ સિટીમાં આ ઓફિસ ખુલવાથી વૈશ્વિક સ્પેસ માર્કેટમાં ભારતની હિસ્સેદારી વધારવામાં મદદ મળશે. નાણાકીય સેવાઓ અને ટેકનોલોજીના હબ એવા ગિફ્ટ સિટીમાં સ્પેસ સેક્ટરનું આવવું એ દર્શાવે છે કે ભારત હવે સ્પેસ ઈકોનોમીમાં ખાનગી રોકાણને કેટલું મહત્વ આપી રહ્યું છે. ગેલેક્સ આઈ જેવી કંપનીઓ સાથેના કરારથી સ્વદેશી ટેકનોલોજીનો વિકાસ થશે અને ઈસરોના મિશનને વ્યાપારી રીતે વધુ સફળ બનાવી શકાશે. *