બેંગલુરુ: શેરબજારમાં અત્યારે ભલે અસ્થિરતા જોવા મળી રહી હોય, પરંતુ ગ્લોબલ બ્રોકરેજ હાઉસ જેફરીઝે રોકાણકારો માટે એવા 7 શેરો પસંદ કર્યા છે જે ભવિષ્યમાં પોર્ટફોલિયોને 'રોકેટ' ગતિ આપી શકે છે. આ યાદીમાં સૌથી વધુ ચર્ચા આઈટી દિગ્ગજ ઇન્ફોસિસની થઈ રહી છે, જેણે તાજેતરમાં પોતાના 'AI ઇન્વેસ્ટર ડે' પર ભવિષ્યની મોટી યોજનાઓ જાહેર કરી છે.
 AI ના દમ પર નવો ઉછાળો: જેફરીઝે ઇન્ફોસિસના શેર પર ₹1,880નો લક્ષ્ય ભાવ નક્કી કર્યો છે. હાલમાં શેર અંદાજે ₹1,373ની આસપાસ ટ્રેડ થઈ રહ્યો છે, જેનો અર્થ છે કે રોકાણકારોને અહીંથી અંદાજે 37% જેટલું મજબૂત વળતર મળી શકે છે.
નાણાકીય વર્ષ 2026ના ત્રીજા ક્વાર્ટરમાં (Q3FY26), ઇન્ફોસિસની કુલ આવકમાં AI સર્વિસનો હિસ્સો વધીને 5.5% (અંદાજે ₹2,500 કરોડ) થયો છે.
કંપનીના ટોચના 200 ગ્રાહકોમાંથી લગભગ 90% ગ્રાહકોએ ઇન્ફોસિસની AI સેવાઓનો ઉપયોગ શરૂ કરી દીધો છે, જે તેની મજબૂત પકડ દર્શાવે છે.
કંપનીનું પોતાનું AI પ્લેટફોર્મ 'ઇન્ફોસિસ ટોપાસ' (Infosys Topaz) અત્યારે વૈશ્વિક સ્તરે એન્ટરપ્રાઇઝ અમલીકરણ માટે કેન્દ્રસ્થાને છે.
જેફરીઝના પોર્ટફોલિયોના અન્ય કી-સ્ટોક્સ (Top Picks for 2026): જેફરીઝે માત્ર આઈટી જ નહીં, પરંતુ ફાઇનાન્સ અને પાવર સેક્ટરમાં પણ મજબૂત શેરો પસંદ કર્યા છે:
શેરનું નામ લક્ષ્ય ભાવ (Target) ક્ષેત્ર (Sector)
ઇન્ફોસિસ (Infosys) ₹1,880 આઈટી સર્વિસ
JSW એનર્જી (JSW Energy) ₹700 પાવર/રિન્યુએબલ
બજાજ ફાઇનાન્સ (Bajaj Finance) ₹1,270 ફાઇનાન્સ (NBFC)
ગો ડિજિટ (Go Digit) ₹430 ઇન્શ્યોરન્સ
KFin ટેક્નોલોજીસ ₹1,350 નાણાકીય સેવાઓ
હિન્દુસ્તાન ઝિંક ₹700 મેટલ/સિલ્વર
NTPC લિમિટેડ ₹440 પાવર
જેફરીઝના મતે, ભારતીય બજારમાં અત્યારે જે સુધારો જોવા મળી રહ્યો છે તે લાંબા ગાળાના રોકાણકારો માટે ઉત્તમ તક છે. ખાસ કરીને પાવર સેક્ટરમાં JSW એનર્જી અને NTPC માં 35% થી 49% સુધીના ઉછાળાની સંભાવના વ્યવક્ત કરવામાં આવી છે. તેવી જ રીતે, સિલ્વર (ચાંદી) ની વૈશ્વિક અછતને જોતા હિન્દુસ્તાન ઝિંક પણ 20% વળતર આપી શકે છે. ધ્યાન રાખવા જેવી બાબત: શેરબજારમાં રોકાણ હંમેશા બજારના જોખમોને આધીન હોય છે. બ્રોકરેજ હાઉસના ટાર્ગેટ લાંબા ગાળાના અંદાજો પર આધારિત હોય છે, તેથી રોકાણ કરતા પહેલા તમારા નાણાકીય સલાહકારની સલાહ લેવી અનિવાર્ય છે.