મુંબઈ: શેરબજારમાં ડિવિડન્ડ દ્વારા કમાણી કરવા ઈચ્છતા રોકાણકારો માટે સૌથી મોટા અને ખુશીના સમાચાર આવ્યા છે. એન્જિનિયરિંગ અને ઇલેક્ટ્રિફિકેશન ક્ષેત્રની ભારતની અગ્રણી કંપની ABB ઇન્ડિયા લિમિટેડે પોતાના શેરધારકો માટે માતબર ડિવિડન્ડની જાહેરાત કરી છે. કંપનીએ 31 ડિસેમ્બર, 2025ના રોજ પૂરા થયેલા નાણાકીય વર્ષ માટે પ્રતિ શેર ₹29.59 ના અંતિમ ડિવિડન્ડની ભલામણ કરી છે.
   કંપનીના બોર્ડ ઓફ ડિરેક્ટર્સ દ્વારા કરવામાં આવેલી જાહેરાત મુજબ, ₹2ની ફેસ વેલ્યુ ધરાવતા શેર પર આ ડિવિડન્ડ આપવામાં આવશે. ટકાવારીની દૃષ્ટિએ જોઈએ તો આ 1480% જેટલું માતબર ડિવિડન્ડ કહી શકાય. કંપની કુલ 21.19 કરોડથી વધુ ઇક્વિટી શેર પર આ ચુકવણી કરશે. આ દરખાસ્તને આગામી 76મી વાર્ષિક સામાન્ય સભા (AGM) માં શેરધારકોની મંજૂરી મળતા જ અમલમાં મૂકવામાં આવશે.
નોંધો મહત્વની તારીખો: રોકાણકારો માટે સૌથી મહત્વની બાબત એ છે કે આ ડિવિડન્ડનો લાભ કોને મળશે. કંપનીએ તે માટેની વિગતો પણ જાહેર કરી છે:
રેકોર્ડ તારીખ 2 મે, 2026 નક્કી કરવામાં આવી છે. એટલે કે જે રોકાણકારોના નામ આ તારીખ સુધી કંપનીના રજિસ્ટરમાં હશે, તેઓ જ આ લાભ મેળવી શકશે.
 જો AGMમાં મંજૂરી મળી જશે, તો 9 મે, 2026 પછી શેરધારકોના ખાતામાં ડિવિડન્ડની રકમ જમા થવાનું શરૂ થશે.
કંપનીની મજબૂત સ્થિતિનો પુરાવો: બજારના વિશ્લેષકો માને છે કે પ્રતિ શેર ₹29.59નું ડિવિડન્ડ એ ABB ઇન્ડિયાની મજબૂત આર્થિક સ્થિતિ અને રોકડ અનામત (Cash Position) નો જીવંત પુરાવો છે. કંપનીની શેરધારકો પ્રત્યેની આ પ્રતિબદ્ધતા આગામી દિવસોમાં તેના શેરના ભાવમાં પણ પોઝિટિવ મુવમેન્ટ લાવી શકે છે. ખાસ કરીને લાંબા ગાળાના રોકાણકારો માટે આ એક શાનદાર વળતર સાબિત થશે. ડીમેટ સ્વરૂપમાં શેર ધરાવતા તમામ પાત્ર રોકાણકારોને સીધા તેમના બેંક ખાતામાં આ રકમ જમા કરવામાં આવશે. ABB ઇન્ડિયાના આ આક્રમક વલણને જોતા એન્જિનિયરિંગ સેક્ટરના અન્ય શેરોમાં પણ હિલચાલ જોવા મળી રહી છે