:નવી દિલ્હી : દિવસભરના મજબૂત વધારા પછી ચાંદીના ભાવમાં અચાનક ઘટાડો જોવા મળ્યો. MCX પર સાંજે 5:30 વાગ્યે ચાંદીમાં 1.40% થી વધુનો ઘટાડો નોંધાયો અને ચાંદીમાં ₹ 3,400 સુધીનો ઘટાડો થયો.

આ લખાઈ રહ્યું છે ત્યારે માર્ચ 2026ની ડિલિવરી માટે ચાંદીનો ભાવ પ્રતિ કિલોગ્રામ ₹ 2,40,855,પર ટ્રેડ થઈ રહ્યો હતો. આ સમયગાળા દરમિયાન તેનો ઉચ્ચતમ ભાવ ₹ 2,48,596 અને નીચો ભાવ ₹ 2,40,367 રહ્યો હતો.
જ્યારે પાછલા ટ્રેડિંગ સત્ર દરમિયાન તે 244,268 રૂપિયા પર બંધ થયો હતો. હવે પ્રશ્ન એ છે કે, એક દિવસના વધારા પછી ચાંદીના ભાવમાં અચાનક ઘટાડો કેમ થયો?
  MCX પર ચાંદીના ભાવ ભલે જ ઘટ્યા હોય પરંતુ ઇન્ડિયા બુલિયન એન્ડ જ્વેલર્સ એસોસિએશન (IBJA) પર ચાંદીના ભાવમાં તીવ્ર વધારો જોવા મળ્યો હતો. ચાંદીનો ભાવ ₹ 7,974 વધીને ₹ 2,44,772 પ્રતિ કિલોગ્રામ થયો હતો, જે ગયા દિવસે ₹ 2,36,798 હતો.
કોમોડિટી નિષ્ણાત અનુજ ગુપ્તાએ જણાવ્યું હતું કે યુએસ ફેડરલ રિઝર્વની છેલ્લી બેઠકમાં કોઈ સ્પષ્ટ સંકેતો મળ્યા ન હોવાથી નફાનું બુકિંગ ઊંચા સ્તરે થઈ રહ્યું છે. નવી મિનિટ્સ દર્શાવે છે કે તેઓ વ્યાજ દરો અંગે કોઈપણ ઉતાવળિયા નિર્ણયો લેવામાં અનિચ્છા ધરાવે છે.
તેઓ યુએસ ડેટા, ખાસ કરીને બેરોજગારી દર અને ફુગાવા પર નજીકથી નજર રાખશે. વધુમાં, ડોલર ઇન્ડેક્સમાં વધારો કોમોડિટીઝ (જેમ કે સોનું અને ઓઇલ) પર દબાણ લાવી રહ્યા છે, કારણ કે રોકાણકારોની માંગ ડોલર તરફ વળી શકે છે.
વિશ્લેષકો કહે છે કે જો આંતરરાષ્ટ્રીય બજાર નબળું રહેશે, તો સોનાનો ભાવ પ્રતિ 10 ગ્રામ 1.55 લાખ રૂપિયાની આસપાસ રહી શકે છે. ચાંદી પ્રતિ કિલોગ્રામ 2.35 લાખ રૂપિયાને સ્પર્શી શકે છે. જ્યાં સુધી અમેરિકાથી નવા આર્થિક ડેટા ન આવે ત્યાં સુધી બજારમાં અસ્થિરતા ચાલુ રહેવાની શક્યતા છે.