વોશિંગ્ટન: શું આપણે બ્રહ્માંડમાં એકલા છીએ? આ સદીઓ જૂના પ્રશ્નનો જવાબ હવે બહુ જ નજીક હોય તેવું લાગી રહ્યું છે. એક તરફ અમેરિકી રાષ્ટ્રપતિ ડોનાલ્ડ ટ્રમ્પે પેન્ટાગોન અને ગુપ્તચર એજન્સીઓને UFO અને એલિયન જીવન સાથે જોડાયેલા તમામ રહસ્યો જાહેર કરવાનો ઐતિહાસિક આદેશ આપ્યો છે, તો બીજી તરફ પ્રખ્યાત અંધ ભવિષ્યવક્તા બાબા વાંગાની એક ભયાનક આગાહીએ લોકોની ઊંઘ ઉડાવી દીધી છે.
બાબા વાંગાની ભવિષ્યવાણી: ૨૦૨૬માં ‘પ્રથમ સંપર્ક’
બલ્ગેરિયાના અંધ રહસ્યવાદી બાબા વાંગા, જેમણે 9/11 અને કોરોના મહામારી જેવી સચોટ આગાહીઓ કરી હતી, તેમણે વર્ષો પહેલા જણાવ્યું હતું કે નવેમ્બર ૨૦૨૬ માં માનવીઓનો એલિયન્સ સાથે પ્રથમ સંપર્ક થશે. તેમની આગાહી મુજબ, પૃથ્વીના વાતાવરણમાં એક ‘વિશાળ અવકાશયાન’ પ્રવેશશે, જે બહારની દુનિયાના જીવનનો અકાટ્ય પુરાવો આપશે. જોકે, આ સંપર્ક શાંતિપૂર્ણ હશે કે વિનાશક, તે અંગે રહસ્ય ઘેરાયેલું છે.
ટ્રમ્પનો આક્રમક તેવર: ‘ખામોશી’ તોડવાનો સમય
રાષ્ટ્રપતિ ટ્રમ્પે યુદ્ધ સચિવ પીટ હેગસેથને નિર્દેશ આપ્યો છે કે એલિયન જીવન, અનઆઈડેન્ટિફાઈડ એરિયલ ફેનોમેના (UAP) અને UFO સંબંધિત જેટલી પણ ક્લાસિફાઈડ ફાઈલો છે, તે જનતા સમક્ષ મૂકી દેવામાં આવે. એવા પણ અહેવાલો છે કે ટ્રમ્પ આ વર્ષે એક ખાસ પ્રેસ કોન્ફરન્સ કરી શકે છે, જેમાં અમેરિકી સરકાર અત્યાર સુધી છુપાવેલા ‘એલિયન રહસ્યો’ પરથી પડદો ઉઠાવશે. આ અગાઉ બરાક ઓબામાએ પણ એક ઇન્ટરવ્યુમાં એલિયન્સ વાસ્તવિક હોવાના સંકેત આપીને ચર્ચા જગાવી હતી.
ત્રીજા વિશ્વયુદ્ધનો ખતરો?
બાબા વાંગાની આગાહીના કેટલાક અર્થઘટન મુજબ, નવેમ્બરમાં એલિયન યાનનું આગમન ત્રીજા વિશ્વયુદ્ધનું નિમિત્ત બની શકે છે. રશિયા, ચીન અને અમેરિકા વચ્ચે વધતા તણાવ વચ્ચે આ અજાણી શક્તિનું આગમન વૈશ્વિક સત્તાના સમીકરણો બદલી શકે છે. આ રહસ્યવાદીએ એમ પણ કહ્યું હતું કે ૨૧૩૦ સુધીમાં માનવીઓ એલિયન્સની મદદથી પાણીની અંદર શહેરો વસાવતા થઈ જશે!
કોણ હતા બાબા વાંગા?
૧૯૧૧માં જન્મેલા બાબા વાંગાએ ૧૨ વર્ષની ઉંમરે એક વાવાઝોડામાં પોતાની દૃષ્ટિ ગુમાવી હતી, જે બાદ તેમને ભવિષ્ય જોવાની શક્તિ મળી હોવાનું મનાય છે. તેમણે રશિયન સબમરીન કુર્સ્કનું ડૂબવું અને ઓબામાના પ્રમુખ બનવા જેવી ઘણી આગાહીઓ કરી હતી. જોકે, ટીકાકારોનું કહેવું છે કે તેમની ઘણી આગાહીઓ સાચી નથી પડી, પરંતુ ટ્રમ્પના તાજેતરના નિર્ણયે તેમની ‘એલિયન આગાહી’ માં ફરીથી લોકોનો રસ જગાડ્યો છે.
શું ખરેખર નવેમ્બર ૨૦૨૬માં આકાશમાંથી કોઈ અજાણ્યા અતિથિઓ આવશે? કે પછી આ માત્ર એક સંયોગ છે? તેની પર આખી દુનિયાની નજર છે.