મેક્સિકોમાં ૧ અબજથી પણ વધુનું ઈનામ ધરાવતો ડ્રગ્સ માફિયા ઠારઃ દેશભરમાં હિંસા ફાટી નીકળી
ગેંગ્સ તેમના લીડરના મોતનો બદલો લેવા માટે નીકળી
મેકસિકો સીટી તા.૨૩: મેક્સીકન સેનાએ રવિવારે જાહેરાત કરી હતી કે તેણે એક ઓપરેશનમાં શક્તિશાળી ડ્રગ લોર્ડ નેમેસિયો એલ મેન્ચો ઓસેગુએરાને ઠાર માર્યો હતો.. આ સમાચાર ફેલાતાં જ, દેશભરમાં એલ મેન્ચોના સભ્યોએ સૈન્ય સામે ખુલ્લું યુદ્ધ શરૂ કર્યું, જેના કારણે દેશભરમાં હિસા ભડકી ઉઠી હતી..સેનાએ એક નિવેદનમાં જણાવ્યું હતું કે જાલિસ્કો ન્યૂ જનરેશન કાર્ટેલના ૫૯ વર્ષીય નેતા ઓસેગુએરા, જાલિસ્કો શહેર તાપાલપામાં સૈનિકો સાથેની અથડામણમાં ઘાયલ થયા હતા અને મેક્સિકો સિટી લઈ જતી વખતે તેમનું મૃત્યુ થયું હતું. તેમના માથા પર ૧૫ મિલિયન ડોલરનું ઇનામ હતું. આ કાર્ટેલ મેક્સિકોમાં એક મુખ્ય ડ્રગ માફિયા છે, જે મુખ્યત્વે યુનાઇટેડ સ્ટેટ્સને ડ્રગ્સ સપ્લાય કરે છે. આ ગેંગની તાકાતનો અંદાજ એ હકીકત પરથી લગાવી શકાય છે કે તેનો મેક્સિકોમાં પોતાનો પ્રદેશ છે, જ્યાં ફક્ત ગેંગ કાયદા લાગુ પડે છે.
તેમના લીડર પર થયેલા હુમલાનો બદલો લેવા માટે, હથિયારોથી સજ્જ ગેંગના સભ્યોએ પﾍમિી રાજ્ય જાલિસ્કોમાં, તાપલાપા સહિત, ૨૦ થી વધુ રસ્તાઓ બંધ કરી દીધા હતા અને કાર અને ટ્રક સળગાવી દીધા હતા. હિસા અન્ય રાજ્યોમાં ફેલાઈ ગઈ હતી.
મેક્સીકન રાષ્ટ્રપતિ ક્લાઉડિયા શેનબૌમે નાગરિકોને શાંતિ જાળવવા અપીલ કરી હતી અને કહ્યું હતું કે કેન્દ્ર સરકાર રાજ્ય અધિકારીઓ સાથે સંકલન કરી રહી છે. ઓસેગુએરા, જેને અલ મેન્ચો તરીકે ઓળખવામાં આવે છે, તે સિનાલોઆ કાર્ટેલના સ્થાપકો જોઆક્વિન અલ ચાપો ગુઝમેન અને ઇસ્માઇલ ઝામ્બાડાની ધરપકડ પછી પકડાયેલા સૌથી અગ્રણી મેક્સીકન ડ્રગ લોર્ડ્સમાંનો એક છે. બંને હવે યુનાઇટેડ સ્ટેટ્સમાં સજા ભોગવી રહ્યા છે.
લશ્કરી નિવેદનમાં એ પણ નોંધવામાં આવ્યું છે કે, મેક્સિકોની પોતાની લશ્કરી ગુપ્ત માહિતી ઉપરાંત, યુએસ અધિકારીઓ પાસેથી વધારાની માહિતી સાથે દરોડો પાડવામાં આવ્યો હતો. તેમાં કહેવામાં આવ્યું છે કે ઓસેગુએરા ઉપરાંત, છ શંકાસ્પદ કાર્ટેલ બંદૂકધારીઓ માર્યા ગયા હતા અને ત્રણ સૈનિકો ઘાયલ થયા હતા. સેનાએ વિવિધ પ્રકારના શષો પણ જપ્ત કર્યા હતા.
રાજ્યની રાજધાની, ગુઆડાલજારાની શેરીઓ લગભગ ખાલી દેખાય છે, કારણ કે દુકાનો, ફાર્મસીઓ અને ગેસ સ્ટેશનો બંધ કરી દેવામાં આવ્યા છે. અલ મેન્ચોના માણસો બંદૂકો સાથે સજ્જ થઈને શેરીઓમાં હિસા કરી રહ્યા છે. એક મીડિયા એજન્સી સાથે વાત કરતા, ગેસ સ્ટેશન પર કામ કરતી સ્થાનિક રહેવાસી મારિયા મેડિનાએ જણાવ્યું કે બંદૂકધારીઓ આવ્યા અને બધાને બહાર નીકળવાનું કહ્યું.
(10:04 AM IST)
છેલ્લા 8 દિવસમાં સૌથી લોકપ્રિય 
