બારાબંકી તા.૨૩: ઉત્તર પ્રદેશના બારાબંકી જિલ્‍લામાંથી એક ચોંકાવનારો કિસ્‍સો સામે આવ્‍યો છે, જ્‍યાં લગ્નની ખુશીઓ ત્‍યારે માતમમાં ફેરવાઈ ગઈ જ્‍યારે વરરાજા દારુના નશામાં મર્યાદા ભૂલી ગયો. તાલુકા રામનગરના ગણેશપુર વિસ્‍તારમાં શુક્રવારની રાતે વરમાળા દરમ્‍યાન જે થયું, તેણે ન ફક્‍ત સંબંધોને શર્મસાર કર્યા, પણ લગ્નના મંડપને યુદ્ધનું મેદાન બનાવી દીધું.

પ્રાપ્ત જાણકારી અનુસાર, જોઈએ તો બહરાઈચ તાલુકાના મુરાઈનપુરવાથી જાન બારાબંકીના ગણેશપુર આવી હતી. છોકરી પક્ષે જાનૈયાના સ્‍વાગતમાં કોઈ કમી નહોતી રાખી. રાતના લગભગ ૧૧ વાગ્‍યા હતા અને જાનૈયાઓ મોજમાં હતા. વરરાજો વિશાલ વરમાળા માટે મંચ પર આવ્‍યો, પણ દારુના નશામાં એટલો ધૂત હતો કે સરખી રીતે ઊભો પણ નહોતો રહી શકતો.

જ્‍યારે દુલ્‍હનના પિતા સત્રોહન પોતાની દીકરીના બચાવમાં આવ્‍યા અને વરરાજાને સમજાવવાની કોશિશ કરી, તો નશામાં ચૂર વિશાલે પોતાના સસરા સાથે હાથાપાઈ કરી અને અભદ્રતા શરુ કરી દીધી. પિતાને મારતા જોઈ કન્‍યા પક્ષના લોકોની ધીરજ ખૂટી ગઈ. બાદમાં જોતજોતામાં લગ્નનો માંડવો યુદ્ધનું રણક્ષેત્ર બની ગયો. ગુસ્‍સામાં જાનૈયા અને વરરાજાને જવાબ આપવાનું શરુ કર્યું.

બંને પક્ષ વચ્‍ચે થયેલી આ હિસક અથડામણમાં ટેન્‍ટની કેટલીય ખુરશીઓ તોડી નાખી. લોકો પોતાના બચાવવા માટે આમતેમ ભાગવા લાગ્‍યા. આ મારપીટમાં વરરાજાની બહેન, બનેવી અને એક અન્‍ય જાનૈયો ગંભીર રીતે ઘાયલ થઈ ગયા. કહેવાય છે કે મારપીટ એટલી ભીષણ હતી કે અમુક લોકોના હાથ-પગ તોડી નાખ્‍યા.

આ ઘટનાની જાણ થતાં ડાયલ ૧૧૨ અને મહાદેવા ચોકી પ્રભારી રવિન્‍દ્ર સિહ પોલીસ ફોર્સ સાથે આવી પહોંચ્‍યા. પોલીસે તરત સ્‍થિતિને કંટ્રોલમાં લીધી અને ઘાયલોને સામુદાયિક સ્‍વાસ્‍થ્‍ય કેન્‍દ્ર મોકલી દીધા. આખી રાત હોબાળો રહ્યો. અંતે ગામના લોકો અને પૂર્વ સરપંચની સમજાવટ બાદ મામલો શાંત થયો.

સવાર થવા સુધી પંચાયત બાદ બંને પક્ષ વચ્‍ચે લેખિત સમાધાન કરાવ્‍યું. જે બાદ લગ્નની બાકી રસમો જેમતેમ કરી પૂરી કરી. જો કે પોલીસે અનુશાસનહીનતાને ગંભીરતાથી લીધું. પોલીસે પ્રશાસને બંને પક્ષને પોલીસ સ્‍ટેશને બોલાવ્‍યા, જેથી આવી ઘટનાઓ પર લગામ લગાવી શકાય અને ભવિષ્‍યમાં ફરી વાર કોઈ આવી હિમત ન કરે