પાણી પુરીનો એક સ્ટોલે પિચકારીમાં પાણીપૂરીનું પાણી ભર્યુ!
સોશિયલ મીડિયા પર વીડિયો વાયરલ
મુંબઈ,તા.૨૪: મુંબઈના રસ્તા પર પાણી પુરીનો એક સ્ટોલ સોશિયલ મીડિયા પર ખૂબ ઝડપથી વાયરલ થઈ રહ્યો છે. એક વિક્રેતા સ્ટીલના વાસણોને બદલે રંગબેરંગી હોળીની પિચકારીનો ઉપયોગ પાણી પુરી ભરવા કરતો જોવા મળ્યો હતો. હોળી પહેલા ક્વિક-કોમર્સ પ્લેટફોર્મ ઇન્સ્ટામાર્ટ દ્વારા આ ખાસ ઍક્ટિવિટીનું આયોજન કરવામાં આવ્યું હતું. ઇન્સ્ટાગ્રામ અને લિક્ડઇન પર શેર કરાયેલા એક વીડિયોમાં, એક વ્યક્તિ વોટર બ્લાસ્ટર (હોળીની પિચકારી) ના પાણીથી સીધા જ ક્રિસ્પી પુરીમાં પાણી ભરતો જોવા મળી રહ્યો છે. ઑફિસ જનારાઓ, વિદ્યાર્થીઓ અને નજીકથી પસાર થતા લોકો આ અનોખા હાવભાવ જોવા માટે ઉભા રહ્યા, ઘણા લોકોએ તેમના મોબાઇલ ફોન પર વીડિયો રેકોર્ડ પણ કર્યો.
ઇન્સ્ટામાર્ટ તેની યુનિક માર્કેટિંગ અને જાહેરાતો માટે પણ જાણીતું છે. આ વખતે આ પ્લેટફોર્મે હવે હોળી માટે પાણી પુરી ગન પ્રદર્શિત કરી આ સ્ટંટ કર્યો છે. ‘હોળી પ્રેક્ટિસ' ટાઇટલ સાથે આ વીડિયો ઝડપથી વાયરલ થયો, જેના કારણે સોશિયલ મીડિયા પર મિશ્ર પ્રતિક્રિયાઓ મળી. કેટલાક લોકોએ પાણીપુરી વેચનારના હેતુની પ્રશંસા કરી, જ્યારે અન્ય લોકોએ મજાક કરી કે પુરી ભીની થઈ જશે. એક યુઝરે લખ્યું, હોળી ઉજવનારા બે પ્રકારના લોકો હોય છે. જેઓ ઘરની અંદર રહે છે, અને જેઓ સૌથી મોટી વોટર ગન ઇચ્છે છે. ઇન્સ્ટામાર્ટે સ્પષ્ટપણે આ બીજી કેટેગરી માટે કર્યું. બીજા યુઝરે લખ્યું, ઙ્કઆ બ્રાન્ડ એક્ટિવેશન કરતાં ‘યે જવાની હૈ દીવાની‘ ના હોળીના દ્રશ્ય જેવું લાગ્યું.ઙ્ઘ દરમિયાન આ વ્યક્તિ પિચકારીમાં પાણીપુરીનું પાણી ભરીને લોકોને પણ તે પીવડાવી રહ્યો હતો અને લોકો પણ તેને એન્જોય કરી રહ્યા હોવાનું વીડિયોમાં જોવા મળ્યું.
હોળી દરમિયાન વોટર ગન હવે ફક્ત બાળકોનું રમકડું નથી. હવે, દરેક વયના લોકો પણ પાવરફૂલ અને હાઈ-પરફોર્મન્સ વોટર ગન ખરીદી રહ્યા છે અને તેના પર નોંધપાત્ર રકમ ખર્ચ કરી રહ્યા છે. આને ધ્યાનમાં રાખીને, ઇન્સ્ટામાર્ટે તેના હોળી કલેક્શનમાં પ્રીમિયમ વોટર ગન ઉમેરી છે. આમાં જર્મન ટેકનોલોજીથી બનેલ SPYRA મોડેલનો સમાવેશ થાય છે, જે હોળી રમનાર લોકો વચ્ચે લોકપ્રિય બની રહ્યું છે. વધુમાં, NERF અને ટોયશાઇન જેવી બ્રાન્ડની વોટર ગન પણ ઇન્સ્ટામાર્ટ પર ઉપલબ્ધ છે.
જોકે હોળીને હજી થોડા અઠવાડિયા બાકી છે, મુંબઈનો આ વાયરલ વીડિયો દર્શાવે છે કે તહેવારની તૈયારીઓ શરૂ થઈ ગઈ છે. સોશિયલ મીડિયા પર શેર કરાયેલી આ ક્લિપ્સે લોકોનું ધ્યાન ખેંચ્યું છે અને હોળી પહેલા વોટર ગન ખરીદવા માટે ઉત્સાહ વધાર્યો છે.
(10:19 AM IST)
છેલ્લા 8 દિવસમાં સૌથી લોકપ્રિય 
