શ્રી કિરીટભાઇ ગણાત્રા સાથે દેશી ટારઝન સંજયસિંહ વિવિધ યોગાસન તથા સપાટાની વિવિધ મુદ્રાઓમાં દર્શાય છે. સાથે નવરંગ કલબના વી.ડી.બાલા અને અર્જુનભાઇ આંબલિયા નજરે પડે છે. (તસ્‍વીર : સંદીપ બગથરિયા)

રાજકોટ, તા.૨૩: દેશી ગાયના ઘી-દૂધની તાકાતનો અસલી પરચો એટલે સંજયસિંહ તેઓ માત્ર ઘી-દૂધ-ગોૈમૂત્ર લે છે એ દેશી ટારઝન નથી લોકપ્રિય છે ૨૩ વર્લ્‍ડ રેકોર્ડ સ્‍થાપિત કર્યા છે.

આ સંજયસિંહ આજે ‘અકિલા'ની મુલાકાતે આવ્‍યા હતા અને દેશી ગાયના- ઘી-દૂધનો પરચો દેખાડયો હતો. ‘અકિલા'એ ફેસબુક લાઇવ ઇન્‍ટરવ્‍યૂ કર્યો હતો. જે હજારો લોકોએ માણ્‍યો હતો. ુ

ગુજરાતી યુવા વર્ગ માટે સંજયસિંહ આદર્શ બની શકે છે. મજબૂત તન, નક્કર મન અને વાસ્‍તવિક તાકાતનું પ્રદર્શન સંજયસિંહના જીવન-વ્‍યકિતત્‍વને  માણો.

સંજયસિંહે અયોધ્‍યામાં પ્રખ્‍યાત કથાકાર અને જગદગુરુ રામભદ્રાચાર્યજીના આશીર્વાદ સાથે એક ભવ્‍ય મંચ પરથી પોતાના કરતબો બતાવ્‍યા હતા. તેમણે ત્‍યાં લાખો શ્રદ્ધાળુઓની હાજરીમાં સતત ૧,૫૧,૦૦૦ સપાટા (Push-ups) મારવાનો મહાસંકલ્‍પ રજૂ કર્યો હતો. આ પ્રસંગે તેમણે જગદગુરુના ચરણસ્‍પર્શ કરીને આકરી કસરત શરૂ કરી હતી. તેમનો આ રેકોર્ડ માત્ર શારીરિક તાકાતનું પ્રદર્શન નહોતું, પરંતુ પ્રભુ શ્રી રામ પ્રત્‍યેની અતૂટ શ્રદ્ધાનું પ્રતીક હતું.

રામ મંદિરમાં સંજયસિંહે જ્‍યારે સપાટા મારવાનું શરૂ કર્યું, ત્‍યારે ત્‍યાં હાજર ભક્‍તો જય શ્રી રામ અને જય બજરંગબલીના નાદથી વાતાવરણ ગજવી રહ્યા હતા. તેમણે અત્‍યંત ઝડપ અને શિસ્‍ત સાથે હજારોની સંખ્‍યામાં સપાટા પૂર્ણ કર્યા હતા. આ દરમિયાન તેમની સ્‍ફૂર્તિ જોઈને ખુદ રામભદ્રાચાર્યજી પણ આﾍર્યચકિત થઈ ગયા હતા અને તેમને ભારતનું ગૌરવ ગણાવ્‍યા હતા. આ રેકોર્ડ દ્વારા સંજયસિંહે સાબિત કર્યું કે ભારતીય યુવાન જો ધારે તો ગૌસેવા અને ભક્‍તિના જોરે ગમે તેવો પહાડ જેવો લક્ષ્યાંક પણ પાર કરી શકે છે.

સંજયસિંહની જીવનશૈલી જેટલી આﾍર્યજનક છે, એટલું જ તેમનું અંગત જીવન સાદગીથી ભરેલું છે. સોશિયલ મીડિયા પર પ્રખ્‍યાત થયા પછી પણ તેઓ પોતાના મૂળ અને ગ્રામીણ સંસ્‍કારોને વળગી રહ્યા છે. તેમની અંગત વિગતો દર્શાવે છે કે તેઓ એક સામાન્‍ય યુવાન હોવા છતાં અસાધારણ મનોબળ ધરાવે છે. તેમનું  પૂરું નામ સંજયસિંહ મિત્રૌલ છે. હુલામણું નામ દેશી ટારઝન છે.

જન્‍મસ્‍થળઃ ગામ મિત્રૌલ, જિલ્લો પલવલ, હરિયાણા. શિક્ષણ : તેમણે પ્રાથમિક અને માધ્‍યમિક શિક્ષણ પોતાના ગામ અને નજીકના વિસ્‍તારમાં પૂર્ણ કર્યું છે. અભ્‍યાસ દરમિયાન પણ તેઓ રમતગમત અને શારીરિક પ્રવળત્તિઓમાં ખૂબ આગળ હતા.

વ્‍યવસાય : મુખ્‍યત્‍વે ખેતી અને પશુપાલન સાથે જોડાયેલા છે, સાથે જ ફિટનેસ ઇન્‍ફ્‌લુએન્‍સર તરીકે યુવાનોને માર્ગદર્શન આપે છે.

સંજયસિંહનું શરીર કુદરતી રીતે જ એથ્‍લેટિક છે. તેમની ઊંચાઈ અને મજબૂત માંસપેશીઓ તેમને ઝાડ પર ચઢવા અને કલાકો સુધી કસરત કરવામાં મદદરૂપ થાય છે. તેમનું વજન અને તાાયુબદ્ધ કાયા માત્ર દેશી ખોરાક (દૂધ-ઘી-બાજરી-ખીર) થી બનેલી છે. તેઓ કોઈ ખાસ બ્રાન્‍ડના સ્‍પોર્ટ્‍સ શૂઝ કે કપડાં પાછળ દોડવાને બદલે લુંગી કે ટૂંકા પહેરવેશમાં જ કસરત કરવાનું પસંદ કરે છે, જેથી શરીર મુક્‍તપણે હલનચલન કરી શકે.

સંજયસિંહ કટ્ટર બ્રહ્મચારી જીવન જીવે છે. તેમના મતે વીર્ય રક્ષા અને શુદ્ધ આચરણ જ અસલી શક્‍તિનોસ્ત્રોત છે. તેમને ગૌસેવાનો ખૂબ શોખ છે; તેઓ ગાયોને ચરાવવા લઈ જવી અને તેમની સંભાળ રાખવી પોતાનું સૌભાગ્‍ય માને છે. આધ્‍યાત્‍મિક રીતે તેઓ હનુમાનજીના પરમ ભક્‍ત છે અને દરેક કાર્યની શરૂઆત જય બજરંગબલીના નાદ સાથે કરે છે. નશાથી તેઓ જોજનો દૂર રહે છે અને યુવાનોને પણ આ વ્‍યસન મુક્‍ત થવા પ્રેરણા આપે છે.

૨૩ વિશ્વ વિક્રમો સ્‍થાપ્‍યા પછી પણ સંજયસિંહ અટકયા નથી. હરિયાણાના પલવલનો આ દેશી ટારઝન હવે એવા લક્ષ્યાંકો પર કામ કરી રહ્યો છે જે સાંભળીને જ રૂંવાડા ઉભા થઈ જાય. તેમનું મુખ્‍ય લક્ષ્ય માત્ર રેકોર્ડ બનાવવાનું જ નથી, પરંતુ ભારતીય પરંપરાગત કસરત પદ્ધતિ અને ગૌસેવાને વિશ્વ સ્‍તરે સ્‍થાપિત કરવાનું છે.

સંજયસિંહનું એક સ્‍વપ્ન એવું દેશી જિમ બનાવવાનું છે જ્‍યાં યુવાનોને મફતમાં તાલીમ આપી શકાય. તેઓ ઈચ્‍છે છે કે યુવાનો મોંઘા જિમ અને પ્રોટીન પાવડરના રવાડે ચઢવાને બદલે અખાડાની માટી અને ગૌસેવા સાથે જોડાય. તેઓ એવા ગામડાના યુવાનોને તૈયાર કરવા માંગે છે જેમનામાં શક્‍તિ છે પણ સાચું માર્ગદર્શન નથી. તેઓ સોશિયલ મીડિયાના માધ્‍યમથી ઘર-ઘર સુધી સ્‍વસ્‍થ ભારતનો સંદેશ પહોંચાડવા માટે સતત કાર્યરત છે.

સંજયસિંહ આગામી સમયમાં વિદેશી ધરતી પર જઈને ભારતીય દેશી ટારઝનની શક્‍તિનું પ્રદર્શન કરવા માંગે છે. તેઓ સાબિત કરવા માંગે છે કે પﾍમિી દેશોના ફિટનેસ મોડલ કરતા ભારતની પ્રાચીન કસરત પદ્ધતિ વધુ અસરકારક અને ટકાઉ છે. તેમની આ સફર હવે માત્ર વ્‍યક્‍તિગત રહી નથી, પણ એક રાષ્‍ટ્રીય મિશન બની ગઈ છે. ગાયના દૂધની શક્‍તિ અને હનુમાનજીની ભક્‍તિ સાથે તેઓ નવા ઇતિહાસ રચવા તૈયાર છે.

સંજયસિંહ એક ખેડૂત પરિવારમાંથી આવે છે, જ્‍યાં ગૌસેવા અને દેશી ખાનપાનને પરમ ધર્મ માનવામાં આવે છે. તેમના પરિવારમાં ખેતી અને પશુપાલન મુખ્‍ય વ્‍યવસાય છે. સંજયસિંહના પિતા પોતે પણ શારીરિક શ્રમને મહત્‍વ આપનારા વ્‍યક્‍તિ છે. પરિવારના ટેકાને કારણે જ તેઓ રોજનું ૫-૬ લીટર દૂધ અને પુષ્‍કળ ઘી મેળવી શકે છે. તેમના પરિવારે તેમને કયારેય જિમમાં જવા માટે દબાણ નથી કર્યું, પરંતુ ઘરની ગાયોની સેવા અને ખેતરની મહેનત સાથે જોડી રાખ્‍યા છે. આ પારિવારિક વાતાવરણે જ તેમને બ્રહ્મ ચર્ય પાળવાની પ્રેરણા આપી છે.

સંજયસિંહના જીવનમાં આધ્‍યાત્‍મિકતાનો ઘણો પ્રભાવ છે. તેઓ જગદગુરુ રામભદ્રાચાર્યજી પ્રત્‍યે અત્‍યંત શ્રદ્ધા ધરાવે છે. અયોધ્‍યામાં આયોજિત કાર્યક્રમ દરમિયાન જગદગુરુએ પણ સંજયસિંહની અદ્વુત તાકાતને બિરદાવી હતી. તેમના આશીર્વાદથી જ સંજયસિંહે લાખો સપાટા મારવાનો સંકલ્‍પ લીધો હતો. આ ઉપરાંત, તેઓ જે રીતે હનુમાનજીની ભક્‍તિ કરે છે, તે જોઈ શકાય છે કે તેમના આદર્શ ભગવાન હનુમાનજી છે. તેમના માટે ભક્‍તિ અને શક્‍તિ એકબીજાના પૂરક છે.તેમના ગુરૂ આર્ય નરેશજી છે.

મિત્રૌલ ગામના લોકો સંજયસિંહને પોતાના ગૌરવ સમાન માને છે. જ્‍યારે પણ તેઓ કોઈ નવો વર્લ્‍ડ રેકોર્ડ બનાવવાની તૈયારી કરે છે, ત્‍યારે આખું ગામ અને તેમના મિત્રો પ્રોત્‍સાહન પૂરું પાડે છે. તેમના મિત્રો જ ઘણીવાર તેમના વીડિયો સોશિયલ મીડિયા પર અપલોડ કરવામાં મદદ કરે છે, જેના કારણે આજે તેઓ લાખો લોકો સુધી પહોંચી શકયા છે. પરિવારની શુદ્ધિ અને ગુરુની કળપા જ તેમને ૨૩ વિશ્વ વિક્રમો સુધી લઈ ગઈ છે.

સંજયસિંહની તાલીમનો મુખ્‍ય ભાગ ઝાડ છે. તેઓ દરરોજ કલાકો સુધી ઝાડ પર ચઢવાની અને ઉતરવાની પ્રેક્‍ટિસ કરે છે. તેઓ ઉંધા લટકીને પુશ-અપ્‍સ કરે છે, જે સામાન્‍ય જમીન પર કરવા કરતા દસ ગણું અઘરું છે. આ સિવાય, તેઓ ભારે પથ્‍થરો ઉઠાવીને દોડે છે અને નદીના કિનારે રેતીમાં કસરત કરે છે. રેતીમાં કસરત કરવાથી તાાયુઓની મજબૂતી અને સંતુલન (Balance) વધે છે, જે તેમને હજારો સપાટા મારવામાં મદદ કરે છે.

સંજયસિંહની તાકાતનું સૌથી મોટું રહસ્‍ય તેમનો ખોરાક છે. તેઓ રોજનું અંદાજે ૫ થી ૬ લીટર ગાયનું દૂધ પીવે છે અને પુષ્‍કળ પ્રમાણમાં દેશી ઘીનું સેવન કરે છે. ગાયની ખીર તેમનો પ્રિય ખોરાક છે, જે તેમને તાત્‍કાલિક ઉર્જા પૂરી પાડે છે. તેઓ માને છે કે બ્રહ્મ ચર્ય અને ગૌસેવા એ જ તેમની સાચી શક્‍તિ છે. સોશિયલ મીડિયા પર લાખો યુવાનો તેમને જોઈને નશાથી દૂર રહીને દેશી કસરત તરફ વળી રહ્યા છે.

મોંઘા જીમ-પ્રોટીનથી દુર રહો

રાજકોટઃ હરિયાણાના પલવલના સંજયસિંહની જીવનશૈલી આજે લાખો લોકો માટે આﾍર્યનો વિષય છે. દેશી ટારઝન તરીકે પ્રખ્‍યાત આ યુવાને સાબિત કર્યું છે કે શરીરને મજબૂત બનાવવા માટે મોંઘા જિમ કે પ્રોટીન પાવડરની જરૂર નથી. તેમની દિવસની શરૂઆત સૂર્યોદય પહેલાં ખેતરોમાં થાય છે. તેઓ કુદરતી વાતાવરણમાં રહીને જ પોતાની શારીરિક ક્ષમતાઓને વિકસાવે છે.

સંજયસિંહ ઝાડ પર એટલી ઝડપથી ચઢે છે કે જાણે કોઈ વાંદરો હોય. તેઓ ઝાડની ડાળીઓ પર લટકીને પુલ-અપ્‍સ કરે છે. લોખંડના સળિયાને બદલે તેઓ જાડી ડાળીઓનો ઉપયોગ કરે છે. જમીન પર દંડ-બેઠક કરવા માટે તેઓ કોઈ મેટનો ઉપયોગ કરતા નથી. ખેતરની ધૂળમાં જ કસરત કરવી તેમને ગમે છે. તેઓ માને છે કે માટી સાથે જોડાયેલા રહેવાથી શરીરમાં અનોખી ઉર્જાનો સંચાર થાય છે.

તેમની લોખંડી કાયા પાછળ શુદ્ધ દેશી ખોરાકનો મોટો ફાળો છે. સંજયસિંહ બહારનું જંક ફૂડ ખાતા નથી. તેમના ખોરાકમાં દૂધ, દહીં, દેશી ઘી અને ઘરના અનાજનો સમાવેશ થાય છે.

 

નશાથી દુર રહો

રાજકોટ, તા., ૨૩ : સંજયસિંહ માત્ર કરતબો જ નથી કરતા, પણ યુવાનોને નશાથી દૂર રહેવાનો સંદેશ આપે છે. તેઓ માને છે કે આજનો યુવાન ખોટા રસ્‍તે ચઢી રહ્યો છે. તેને શારીરિક મહેનત અને રમતગમતમાં રુચિ લેવી જોઈએ. દેશી ટારઝનના હુલામણા નામ સાથે તેઓ હવે રાષ્‍ટ્રીય સ્‍તરે ખ્‍યાતિ મેળવી રહ્યા છે. તેમની લોખંડી કાયા પાછળ વર્ષોની સખત તપસ્‍યા છુપાયેલી છે.

સંજયસિંહની આ જીવનશૈલી આપણને મૂળ તરફ પાછા વળવાનું શીખવે છે. કુદરત સાથે જોડાઈને પણ સ્‍વસ્‍થ રહી શકાય છે. હરિયાણાના આ લાલ પર આજે આખું ગામ ગર્વ અનુભવે છે. તેમની સફળતા એ સાબિત કરે છે કે મહેનતનો કોઈ વિકલ્‍પ નથી.