સમરી: અલ્હાબાદ હાઈકોર્ટે પોક્સો એક્ટ હેઠળ નોંધાયેલા કેસમાં જ્યોતિર્મઠના શંકરાચાર્ય સ્વામી અવિમુક્તેશ્વરાનંદ સરસ્વતીની ધરપકડ પર વચગાળાનો સ્ટે આપ્યો છે. કોર્ટે તેમની આગોતરા જામીન અરજી પર ચુકાદો અનામત રાખ્યો છે અને તપાસમાં સહયોગ આપવા આદેશ કર્યો છે.

સગીર વયના બાળકોના યૌન શોષણના આરોપસર નોંધાયેલી FIR બાદ ધરપકડથી બચવા માટે સ્વામીજીએ હાઈકોર્ટમાં આગોતરા જામીન અરજી દાખલ કરી હતી. જસ્ટિસ જિતેન્દ્ર કુમાર સિંહાની ખંડપીઠે બંને પક્ષોની દલીલો સાંભળ્યા બાદ પોતાનો ચુકાદો અનામત રાખ્યો છે.

કોર્ટે સ્પષ્ટ કર્યું છે કે જ્યાં સુધી અંતિમ આદેશ જાહેર ન થાય ત્યાં સુધી શંકરાચાર્યની ધરપકડ કરી શકાશે નહીં. 

આ કેસમાં સરકારી વકીલે જામીનનો વિરોધ કરતા દલીલ કરી હતી કે સ્વામીજી પ્રભાવશાળી વ્યક્તિત્વ ધરાવે છે, જે તપાસને અસર કરી શકે છે. બીજી તરફ, શંકરાચાર્યએ આ આરોપોને પાયાવિહોણા અને તેમને બદનામ કરવાનું કાવતરું ગણાવ્યું છે. આ મામલે હવે માર્ચના ત્રીજા સપ્તાહમાં વધુ સુનાવણી થઈ શકે છે.