આ જોઈ લો...પાઈલ્સની સર્જરી બાદ રજા ન મળતા ઉતાર્યું પેન્ટ
રેલવેમાં કર્મચારીની વેદનાની એક અત્યંત શરમજનક અને અમાનવીય ઘટના સામે આવી : લોકો પાયલટને પાઈલ્સની સર્જરી કરાવ્યા પછી પણ સિક લીવ લંબાવવામાં ન આવી. આખરે મજબૂરીમાં તેણે સિનિયર અધિકારીઓની સામે જ પેન્ટ ઉતારીને ઓપરેશનનું ડ્રેસિંગ બતાવ્યું, તેમ છતાં તરત જ રજા મંજૂર કરવામાં આવી નહીં
લખનઉ તા.૫: રેલવેમાં કર્મચારીની વેદનાની એક અત્યંત શરમજનક અને અમાનવીય ઘટના સામે આવી છે. જેમાં એક લોકો પાયલટને પાઈલ્સની સર્જરી કરાવ્યા પછી પણ સિક લીવ લંબાવવામાં ન આવી. આખરે મજબૂરીમાં તેણે સિનિયર અધિકારીઓની સામે જ પેન્ટ ઉતારીને ઓપરેશનનું ડ્રેસિગ બતાવ્યું, તેમ છતાં તરત જ રજા મંજૂર કરવામાં આવી નહીં. આ ઘટના રેલવે કર્મચારીઓમાં વ્યાપક રોષ ફેલાવી રહી છે અને યુનિયનોએ તેને અમાનવીય વર્તન તરીકે વર્ણવ્યું છે.
આ ઘટનાનો વીડિયો રેલવે કર્મચારીઓના વ્હોટ્સએપ ગ્રુપમાં વાયરલ થઈ ગયો છે, જેના કારણે કર્મચારી સંગઠનોએ વિરોધ વ્યક્ત કર્યો છે. મીડિયા રિપોર્ટ્સ અનુસાર, ઓલ ઇન્ડિયા લોકો રનિગ સ્ટાફ એસોસિએશન (AILRSA)ના નેતાઓએ જણાવ્યું કે, લોકો પાયલટ રાજેશ મીણા અનુસૂચિત જનજાતિ (ST) સમુદાયમાંથી આવે છે. તેમણે ૨૨ ફેબ્રુઆરીના રોજ લખનઉમાં પાઈલ્સની સર્જરી કરાવી હતી. શરૂઆતમાં તેમને ૨૨થી ૨૭ ફેબ્રુઆરી સુધી રજા આપવામાં આવી હતી, પરંતુ ઘા પૂરેપૂરો સુધર્યો ન હોવાથી તેમણે રેલવે હેલ્થ યુનિટમાં રજા વધારવાની માંગ કરી
તેમણે જણાવ્યું કે, ડોક્ટરે તપાસ કર્યા પછી રાજેશ મીણાની રજા વધારવાની જરૂરિયાત સમજી અને સિનિયર અધિકારીઓ પાસેથી સિક મેમો લાવવા કહ્યું. રાજેશ મીણાએ પહેલા ક્રૂ કંટ્રોલર અને પછી ચીફ ક્રૂ કંટ્રોલર (CCC) રતન કુમારનો સંપર્ક કર્યો. તેમણે તેમના મેડિકલ ડોક્યુમેન્ટ્સ, લેબ રિપોર્ટ અને ડ્રેસિગ પણ બતાવ્યું, છતાં રજા મંજૂર કરવામાં આવી નહીં. આખરે મજબૂરીમાં તેમણે અધિકારી સામે પેન્ટ ઉતારીને સર્જરીનો ઘા બતાવ્યો. ત્યારબાદ યુનિયન નેતાઓના હસ્તક્ષેપ પછી તેમની રજા વધારવામાં આવી
આ કેસને લઈને AILRSAના મહાસચિવ કે. સી. જેમ્સે કહ્યું કે, આ અત્યંત શરમજનક છે કે એક લોકો પાયલટને મેડિકલ લીવ માટે આટલી હદ સુધી જવું પડ્યું. તેમણે રેલવે વહીવટી તંત્રને સંબંધિત અધિકારી વિરુદ્ધ કડક કાર્યવાહી કરવાની માંગ કરી છે. આ ઘટના સામે આવ્યા પછી રેલવે કર્મચારીઓમાં રોષ વ્યાપી ગયો છે અને વહીવટી તંત્ર પાસેથી જવાબદારી નક્કી કરવાની માંગ ઉઠી રહી છે
(10:16 AM IST)
છેલ્લા 8 દિવસમાં સૌથી લોકપ્રિય 
