અનેક રાજ્યોના રાજ્યપાલોની બદલીઃ રાષ્ટ્રપતિએ મંજૂરી આપી
તેલંગાણા, પશ્ચિમ બંગાળ, બિહાર, નાગાલેન્ડ સહિતના રાજ્યોમાં નિયુક્તિ : નવ રાજ્યો અને કેન્દ્રશાસિત પ્રદેશોના રાજ્યપાલો અને લેફટનન્ટ ગવર્નરોની નિમણૂક અને બદલીને મંજૂરી આપી
નવી દિલ્હી તા.૬: રાષ્ટ્રપતિ દ્રૌપદી મુર્મુએ અનેક રાજ્યો અને કેન્દ્રશાસિત પ્રદેશોના રાજ્યપાલો અને લેફટનન્ટ ગવર્નરોની બદલી કરી છે. તરનજીત સિહ સંધુને દિલ્હીના નવા લેફટનન્ટ ગવર્નર તરીકે નિયુક્ત કરવામાં આવ્યા છે. એક સત્તાવાર સૂચનામાં, રાષ્ટ્રપતિએ નવી નિમણૂકો અને બદલીઓની જાહેરાત કરી.
રાષ્ટ્રપતિ મુર્મુએ હિમાચલ પ્રદેશના વર્તમાન રાજ્યપાલ શિવ પ્રતાપ શુક્લાને તેલંગાણાના રાજ્યપાલ તરીકે નિયુક્ત કર્યા છે. તેલંગાણાના ભૂતપૂર્વ રાજ્યપાલ જિષ્ણુ દેવ વર્માને મહારાષ્ટ્રના રાજ્યપાલ તરીકે નિયુક્ત કરવામાં આવ્યા છે.
નંદ કિશોર યાદવને નાગાલેન્ડના રાજ્યપાલ તરીકે નિયુક્ત કરવામાં આવ્યા છે, જ્યારે લેફટનન્ટ જનરલ (નિવૃત્ત) સૈયદ અતા હસનૈનને બિહારના રાજ્યપાલ તરીકે નિયુક્ત કરવામાં આવ્યા છે. તમિલનાડુના વર્તમાન રાજ્યપાલ આર.એન. રવિને પﾍમિ બંગાળના રાજ્યપાલ તરીકે નિયુક્ત કરવામાં આવ્યા છે. કેરળના રાજ્યપાલ રાજેન્દ્ર વિશ્વનાથ આર્લેકરને તમિલનાડુના રાજ્યપાલ તરીકે નિયુક્ત કરવામાં આવ્યા છે.
તેવી જ રીતે, લદ્દાખના લેફટનન્ટ ગવર્નર કવિન્દર ગુપ્તાને હિમાચલ પ્રદેશના રાજ્યપાલ તરીકે નિયુક્ત કરવામાં આવ્યા છે. દિલ્હીના લેફટનન્ટ ગવર્નર વિનય કુમાર સક્સેનાને લદ્દાખના લેફટનન્ટ ગવર્નર તરીકે નિયુક્ત કરવામાં આવ્યા છે.
સૂચના અનુસાર, બધી નિમણૂકો અને બદલીઓ ત્યારે અસરકારક રહેશે જ્યારે સંબંધિત અધિકારીઓ તેમના નવા હોદ્દાનો કાર્યભાર સંભાળશે.
(9:59 AM IST)
છેલ્લા 8 દિવસમાં સૌથી લોકપ્રિય 
