ઈરાનમાં ૩,૦૦૦ ઘરોનો નાશઃ ૩૦૦ મિસાઇલ લોન્ચરનો કડુસલો ૧,૩૦૦ લોકો માર્યા ગયાઃ વીજળી અને પાણી પુરવઠો ખોરવાયો
રાજધાની તેહરાનને સૌથી વધુ નુકસાન થયું છેઃ હુમલામાં ૧૪ હોસ્પિટલો અને તબીબી કેન્દ્રોને પણ નુકસાન
તેલ અવીવ/તેહરાન, તા.૬: આજે અમેરિકા-ઇઝરાયલ-ઈરાન યુદ્ધનો સાતમો દિવસ છે. ઈરાની રેડ ક્રેસન્ટ સોસાયટી અનુસાર, અમેરિકા અને ઇઝરાયલી હુમલાઓમાં દેશભરમાં ૩,૦૦૦ થી વધુ ઘરો અને આશરે ૫૦૦ દુકાનોને નુકસાન થયું છે. રાજધાની તેહરાનને સૌથી વધુ નુકસાન થયું છે.
સંસ્થા અનુસાર, હુમલામાં ૧૪ હોસ્પિટલો અને તબીબી કેન્દ્રોને પણ નુકસાન થયું છે. સંગઠને એમ પણ જણાવ્યું હતું કે આ હુમલાઓમાં તેના પાંચ રાહત કર્મચારીઓ ઘાયલ થયા છે.
આ યુદ્ધમાં અત્યાર સુધીમાં ૧,૩૦૦ થી વધુ ઈરાનીઓ માર્યા ગયા છે. ઇઝરાયલી મીડિયા ynet અનુસાર, ઇઝરાયલી હુમલામાં આશરે ૩૦૦ ઇરાની મિસાઇલ લોન્ચર નાશ પામ્યા હતા. યુદ્ધને કારણે દેશના ઘણા ભાગોમાં વીજળી અને પાણી પુરવઠો ખોરવાઈ ગયો છે.
ઇઝરાયલ-ઈરાન યુદ્ધ સંબંધિત મુખ્ય અપડેટ્સઃ ટ્રમ્પે ખામેનીના પુત્રને તેમના ઉત્તરાધિકારી તરીકે માન્યતા આપવાનો ઇનકાર કર્યો હતો. યુએસ-ઇઝરાયલી હુમલાઓમાં ઈરાનમાં ૧,૩૩૨ લોકો માર્યા ગયા. અત્યાર સુધીમાં, ઈરાનમાં ૧૪ તબીબી કેન્દ્રોને નિશાન બનાવીને ૧,૩૦૦ હુમલા થયા છે.
ઈરાનમાં ઘણી જગ્યાએ પાણી અને વીજળી પુરવઠો ખોરવાઈ ગયો છે.
ઇઝરાયલે ૩૦૦ ઇરાની મિસાઇલ લોન્ચરનો નાશ કર્યો.
ઈરાને કહ્યું કે કુવૈત, બહેરીન અને યુએઈમાં ૨૦ યુએસ બેઝને નુકસાન થયું છે.
ટ્રમ્પે કહ્યું કે ઈરાને તેમના વિના સુપ્રીમ લીડરની પસંદગી ન કરવી જોઈએ, યુએસ પ્રમુખ ડોનાલ્ડ ટ્રમ્પે કહ્યું છે કે ઈરાને તેમના વિના નવા સુપ્રીમ લીડરની પસંદગી ન કરવી જોઈએ. તેમણે કહ્યું કે નવા નેતાની પસંદગીમાં યુએસની ભૂમિકા મહત્વપૂર્ણ છે અને યુએસની ભાગીદારી વિના આવું કરવું સમયનો બગાડ હશે.
એક્સિઓસ સાથેની એક મુલાકાતમાં ટ્રમ્પે કહ્યું હતું કે જો ઈરાન અમેરિકાની સંડોવણી વિના નવા સુપ્રીમ લીડરની પસંદગી કરે છે, તો તે અર્થહીન રહેશે. ટ્રમ્પે એમ પણ કહ્યું હતું કે અલી ખામેનીના પુત્ર, મોજતબા ખામેનીને સંભવિત ઉત્તરાધિકારી તરીકે ગણવામાં આવી રહ્યા છે, પરંતુ તેઓ તેમને સ્વીકારશે નહીં.
તેમણે ચેતવણી આપી હતી કે જો નવા નેતા જૂના નેતળત્વની નીતિઓ ચાલુ રાખશે, તો આગામી વર્ષોમાં અમેરિકા અને ઈરાન વચ્ચે ફરી એક સંઘર્ષ થઈ શકે છે. ટ્રમ્પે કહ્યું હતું કે અમેરિકા એવા નેતાને ઈચ્છે છે જે ઈરાનમાં શાંતિ અને સ્થિરતા લાવી શકે.
(3:50 PM IST)
છેલ્લા 8 દિવસમાં સૌથી લોકપ્રિય 
